Liederen van Mechtildis van Lom en andere annuntiaten, voorafgegaan door de Transcedron-kroniek van Barbara de Put

Hoe wi eerst op onsen niewen choor quaemen. XXII. cap.

Hier nae Inden adŭent In dit selfste Iaer 1618, des wonsdaechs Inde quatertemper Alsmen de gulden mis¹ soude singhen dit was doen den 19 december, Doen worden de ghemeente des smorghens te 4 vren op gheclopt om de prijmen te doen ende daer nae de gulde Mis te beginnen, Onder de welcke onsen Eerwerdighen Pater een seer schoon sermoen dede Als nŭ de Mis wt was ende de h ghemeente ghecommŭniceert hadde, doen worden onsen lieŭen heer binnen ghebrocht vanden Eerwerdighen pater Gardiaen, pater Lazarus sanguessa, ende onsen E. Pater fransciscus wellemans bij ons oude onder moeder op dat sij oock soude commŭniceren, doen het hoochwerdich heijlich Sacrament wederom wt ghedraghen worden gingen de paters nae de nieŭwe kercke doen brack onsen lieŭen heer selŭer het slodt ende sloedt het rechte

⁺ rechte slodt aende kercke, want van dier vren af en wast gheen slodt meer daer wijt soo langhe gheschonden hadden, ter wijlen dat onsen lieŭen heer inde nieuwe kercke ghedraghen worden, quam de heylighe ghemeente met processie vanden ouden choor met de witte mantels ende brandende kersen Inde handen singhende de Letanien van loretten Commende aenden inganck vanden pant tradt Onse Eerwerdighe Moeder Ancilla eerst in daer nae Ons Eerwerdighe Moeder viccaris ende de heel heylighe ghemeente volgden naeden graedt singhende de letanien voorts wt, Aende trappen commende be-

1 Plechtige H. Mis op Quatertemperwoensdag voor Kerstmis ter ere van O.L. Vrouw, om daarmee te vieren de verwachting van haar goddelijk Moederschap.

+ [fol. 42]

[p. 62]

begonsten de rectix chori¹ den Lof sanck Magnificat ter ghedenkenisse dat die ghebenedijde Moeder Godts is op gheclommen ende ghegaen naede gheberchten, ghecommen sijnde aende choor dŭer doen begonsten de rectix choori den psalm Letatus sŭm², ende daer mede dede Onse Eerwerdighe Moeder Ancilla haeren Intre Inden choor Ende de h. ghemeente volchden naeden graedt, Ons bŭiten susterkens hadden een cleijn autaerken inden choor ghemaeckt waer voor wij alle gader neder vielen (om een lutsken schuilens te hebben en van tvolck niet soe seer ghesien te worden die beneden inde kercke waeren) Aenbiddende ende groetende het hoochwerdich Sacrament, hier nae songhen wij met grooter blijtschap Tedeŭm Laudamus ende als die wt was gaf ons den E Pater gardiaen de benedixie met het hoochwerdich h Sacrament ende droeghen onsen Lieuen heer wederom inde oude kercke, Maer wij bleŭen noch op den nieuwen choor singhende veel Loffsanghen tot danckbaerheijt Aen Godt Almachtig ende sijn ghebenedide Moeder, Daer nae hielden wij noch een lŭtsken tijtts ons deuotie storttende ons begeerten eens wt voor godt, Doen stont onse Eerwerdighe Moeder Ancilla op ende hiet ons welckom op den nieuwen choor, ende wij haer wederom, een Iegelijck haer cussende, ende elck mlacderen, het welk niet geschieden sonder veel traenen van blijtschappen, Als dit ghedaen was keerden de h ghemeente

⁺ te wederom naeden ouden choor om de gheteijden voorts te doen

Doen begonstet sulcken soeten bequaemen weder te worden, dat onse Eerwerdighe Moeder Ancilla, de Metsers wederom ontboedt de welcke nae nieŭwe Iaers dach quaemen Ao. 1619, om de outaeren inde kercke te maken ende den pant voorts te weluen, ende te plaueijen, ende andere noodighe dinghen want wij vreesden dat dit beledt soude hebben om de kercke opt den voorghenoemden dach te wij en het welck sij met Godts gratie volbrochten soe haest als de nootwendichste dinghen

1 De voorzangsters.

2 ‘Ik ben verheugd’, Ps. 121. (Vulg.) = 122.

+ [fol. 43]

[p. 63]

wat ghedaen waeren begonst het wederom soo hert te vriesen dat de metssers weer mosten vertrecken Den 19 Ianuarius Anno 1619 op eenen saterdach worden de 2 balcken van het ocsael¹ gerecht, Maer eer den tweeden balck op quam oueruiel ons den donckeren aŭont soo seer datmen dien met de keersen moest opwinden Maer onsen lieŭen heer sij gheloeft hij bewaerden alle de wercklieden datter niemant onghelŭck en krechg

Des saterdachs daer nae den 26 Ianŭarius wert de clock ghegoten ende den 27 op den sondach septŭagesima wordense In ons oude kercke van den eerwerdighen pater Gardiaen ghewijdt daer was seer veel volckx die de selŭe quaemen heffen men bontter al veel cordekens aen datmen aide kercke door daer aen const houden daer ginck oock een cordeken boŭen ouer het scŭtsel² in onsen choor waer aen dat onse Eerwerdighe Moeder Ancilla ende de heele ghemeente oock hielden, doen moestese de cloeck noch 3 daghen nae datse ghewijdt was met een wit cleet behanghen inde kercke blijŭen staen, des vrijdaechs daer nae den 1 febrŭarius op ons Lieŭe vroŭwen Liechtmis Aŭont doen wert de clock inden tooren gehangen ende onse Eerwerdighe Moeder Ancilla ende de h ghemeente trockense selŭer op tot inden choor daer de groete tralie in soude staen Item op desen dach vasten de heele ghemeente ghelijckmen op den goeden vrijdach doet houdende oock de Maeltijt op de aerde Des

⁺ Des Anderen daechs op ons Lieue vrouwen Liechtmis dach hielden wij ons Soo stil als wij costen Maer des Sonnendaechs wast wederom al in roere Daer was soe veel te doen Met de kercke ende het ghene dat tot de kerckwidinghe van noede was te beschicken, Onsen choor boŭen was noch soo onghestelt³ om den goddelicken dienst daer op te doen, onder en wast niet gheplanckt maer het was maer aerde ende vŭijlicheijt datmen nieuers bequaemelick en cost neder knielen wij

1 Galerij voor de zangers.

2 Er was blijkbaar een schot tussen het koor, waar de zusters hun officie zongen en het overige gedeelte van de kerk, waar ook anderen werden toegelaten.

+ [fol. 44]

3 Het koor was dus nog niet op orde.

[p. 64]

moesten Al berders gaen legghen al den choor ouer soe dat de heele ghemeente tot des aŭonts ten 8 vren toe werck hadden eerse costen te ruste gaen, Des sonnendaechs hielden wij de eerste vespere vande kerckwijdinghe Maer wij moesten noch alden dienst inde oude kercke doen tot des anderen daesch de hoochmisse toe Inde eerste vesper lŭijdemen eerste den goddelijcken dienst met de nieŭwe clock ende die gaf sulcken armen ghelŭijdt dat een Ieghelijck verwondert was Men meenden doen dattet vanden brant was maer naeder hant beŭontmen datse eenen borst hadde daerse om moest vergoeten sijn¹

Nae de vespers quam sijn hoochwerden van roermŭnde comende in ons cloester ginck hij rontom besien de ghelegentheijt en offse oock rontom de kercke costen gaen, het welck te vooren ghereedt gemaeckt was daer was een gadt geslagen Inde mŭer vant cloester die staet tusschen t cloester ende Ian engelen eerŭe aen dese sijde vande kercke binnens sloets, ende aende ander Sijde bij ons buten susterkens was oock een gadt inde mŭer gheslaeghen soo dat men bequaemlijck rontom de kerke gaen cost²

1 De klok moest opnieuw gegoten worden vanwege de barst.

2 De rondgang is een onderdeel van de plechtigheid der wijding.