Hemelsch nachtegaelken oft gheestelijcke liedekens, om deught met vreught te beoeffenen

Vervolginghe van den lof-sanck, nu aen het gebenedijt aensicht vanden ghecruysten Salichmaker,

Op de wijse: Tantum ergò Sacramentum &c. Ende oock op de wijsen als fol. 24.

KOnde ick, Iesu eens verwerven
(Och hoe seer waer ick verblijdt!)
Dat ick aen u cruys mocht sterven,
En mocht lijden dat ghy lijdt,
Alle vreughden hier mocht derven,
Met u eynden mijnen strijdt!

2.

Siet my aen, o mijn Beminde,

Gheeft my toch een troostich woort:
Dat ick, Iesu, grati vinde
In u ooghen recht-te-voort:

[p. 89]

 

Wilt van sonden my ont-binden,

 

Eer mijn ziel daer in versmoort.

 

3. O bebloede hooft ons Heere

 

Met een doorne croon bedeckt,

 

Ghewont uytter maten seere,

 

Soo gheslaghen, oock begheckt,

 

Dat het bloet van boven neere

 

Lanckx u aenschijn duypt en leckt.

 

4. Lief aensicht om mijnentwille

 

Heel gheschendt ende versmaet,

 

Kust my peys, maeckt gheen verschille,

 

't Is een sonders, die hier staet;

 

Maer u liefde is noyt stille,

 

Ons u ooghen op my slaet.

FINIS.