Hemelsch nachtegaelken oft gheestelijcke liedekens, om deught met vreught te beoeffenen

Vervolginghe van den lof-sanck, nu tot het herte vanden gecruysten Salichmaker;

Op de wijse: Tantum ergò Sacramentum &c. Ende oock op de wijsen als fol. 24

1.

WEl aen, Iesu, wilt bereyden
In u hert voor my een rust,
Daer ick noyt en mach uyt scheyden,
Aij, hier mee mijn yver blust:
Waerom wilt ghy langher beyden,

[p. 67]

 

Daer ghy kent mijn grooten lust?

 

2.

 

Roosen hert gaet my een oopen,

 

Want u reuck een yder treckt:

 

Ont-sluyt eens die schoone knoopen,

 

Daer mijn schat light in bedeckt:

 

Mijn hert comt tot u gheloopen

 

Door u liefde alleen verweckt.

 

3.

 

Opent u, wilt u uyt-spreyden,

 

Als een roose wijt ont-daen:

 

Comt in mijn hert u vermeyden,

 

Dat ick uwen geur ontfaen:

[p. 68]

 

Haeft u, wilt niet langher beyden,

 

'tWachten doet my pijne aen.

 

4.

 

Voeght u hert midden in 't mijne,

 

Van twee herten maeckt nu een:

 

Dat ick uws gheheel mach zijne,

 

En van amoreusheyt ween;

 

Iae van liefde gantsch verdwijne:

 

Heer ick bender mee te vreen.

FINIS.