Hemelsch nachtegaelken oft gheestelijcke liedekens, om deught met vreught te beoeffenen

[p. 42]

Vervolginghe van den lof-sanck, nu tot de handen van den ghecruysten Salichmaker; Op de wijse: Tantum ergò Sacramentum &c. En oock op de andere wijsen als fol. 24.

1.

GHy zijt aen het Cruys ghehanghen
Met u ermen wijt ontdaen,
Om ons alle te ontfanghen,
Die met sonden zijn belaen:
Siet ick come met verlanghen:
Wilt my, Iesu niet versmaen.

2.

Vwe liefde is soo crachtich,

Datse oock de doot verwint:
Zijt eens in u smert ghedachtich

[p. 43]

 

Vws dienaerssche, die ghy mint:

 

Helpt my Iesu, Heer almachtich,

 

Dat de doodt my niet verslint.

 

3.

 

Ick om-helsde, en kusde de wonden

 

Vwer handen root van bloet,

 

Die ick geerne met den monde

 

Sou uyt-drincken, vondy 't goet:

 

Want niet beter voor mijn sonden;

 

Als soo lieffelijcken bloet.

FINIS