Hemelsch nachtegaelken oft gheestelijcke liedekens, om deught met vreught te beoeffenen

Lof-sangh tot de ghebenedijde leden van den ghetruysten Salichmaker; eerst tot sijne voeten:

Op de wijse: Tantum ergò Sacr amentum &c.
(oock op de wijse)
'Tis een ieder noch indachtich hoe Graef VVillem voor Calloo. (oft) Onsen Reus tot sijnder baten. (oft) Vrouken met de vincken.
(ock op de wijse. Op S. Ians nacht gingh ick minnen. (oft) Een oud' queen van sestich iaren.

[p. 25]

 

1

 

IEsv, o mijn soete minne,

 

Weest ghegroet mijn salicheyt:

 

Treckt tot u mijn hert en sinnen,

 

Ghy vol bermherticheyt:

 

Leydt my lancks u wonden binnen,

 

Daer mijn ziele haer vermeyt.

 

 

 

2.

 

 

 

Ick ligh aen u Cruys beneden,

 

En om helse met oodtmoet

 

Vol van druck u teere leden,

[p. 26]

 

Eerst u voeten root van bloet:

 

Hoort van boven de ghebeden,

 

Die mijn droevich hert u doet.

 

 

 

3.

 

 

 

Ick melaetsch met vuyle zeere,

 

Met veel sonden, soo ghy siet,

 

Val hier voor u voeten neere,

 

Iesu en verstoot my niet:

 

Mijn here ick u presenteere,

 

Om te volghen u ghebiet.

 

 

 

4.

 

 

 

Och hoe overvloedich stralen

[p. 27]

 

Vwe roode beken sijn,

 

Om mijn sonden te betalen:

 

Die soo menichvuldich zijn!

 

Laet dan, Iesu, neder-dalen

 

Een soo soeten medecijn.

 

5.

 

Laet het u toch niet verveelen

 

Iesu o mijn weerden Heer

 

Van u bloet my me-te-deelen,

 

'T welck drupt van boven neer,

 

'T sal seer wel mijn wonden heelen,

 

Geen lit-teecken blijfter meer.

FINIS.