Itinerario, voyage ofte schipvaert naer Oost ofte Portugaels Indien 1579-1592. Eerste stuk

[p. XCV]

Op d'Oost-Indische beschryvinghe van Ian Huyghen van Haerlem.
Ode.

D'Hert-roovende goddinne
Om't Bataviersch' gheslacht
Te toonen jonst en minne,
En dat zy daer door winne
'tTghevleugelde ghedacht,
Heeft haer schilp voort ghebracht,
Daer zy mede can varen
Op de azure baren,
By daegh' ende by nacht.

Daer in gaet zy ras stellen

Huyghen met const bevaen,
Haer gulden seylken vellen
Om op de groote wellen,
Vande woest oceaen,
'tOnbaende pat te gaen
Nae d'Oost-Indische landen
En hem de cromme stranden
(Vol schats) te doen sien aen.

Tethys en haer ghespelen

Omringhen hen met spoet:
De Syrenen die quelen
Met soet-klinckende kelen;
'tSchubde volck vreucht ontdoet¹⁾;
Triton comt hen te moet,
Doende 'thooft steken buyten,
En ringhs-wys' om hen sluyten
d'Arion-draghers soet.

Ghelijck gheschiet de geene,

Die vande berghen hooch,
Sien in een dal seer reene,
Beeldinghen groot en cleene
Met een beschouwend' ooch,
Hier wert ghedaen vertooch
Van beeck, fonteijn, revieren,
Heuvels, krochten, duwieren²⁾,
Daer schietmen met de booch.

Aen d'ander zyd' verschynen

Dorpen en steden eel;
De smakelijcke wynen
Die 'therts druck doen verdwynen,
Becleden d'heuvels veel;
Hier d'appelkens gout-geel,
Daer staen bosschen en haghen,
Hier sietmen s'jagers laghen
Bestricken 'tghedierts keel.

So gaet Cypris hem toonen

Wt goede jonsticheyt,
Die onder d'opganck woonen,
En 'tvolck dat om verschoonen
'Hooft met reucken verfreyt³⁾;
Hoe de ste'en zijn gheleyt,
Hoe des Molucks landouwen
Vol caneels zijn te schouwen,
Met naghelen bespreyt.

Goa groot vol rijckdomen

Siet hy cierlijck ghebout.
De ses-vaem-dicke bomen,
En de peerl-rijcke stromen,
Werden door hem beschout.
'tOnbederfelijck gout
Siet hy aen 't water vinden,
Dieren, die 't volck verslinden
En olyphanten stout.

Bandan vol van muschaten,

1) ontplooien, uiten.

2) spelonken.

3) verfraait.

[p. XCVI]

 

En 'tgout-rijck' Bisnagaer¹⁾,

 

Calicut schier verlaten,

 

Ceylan, diens innesaten

 

Visschen de peerlen claer,

 

Sumatra seer vruchtbaer,

 

En door al d'ander rijcken

 

Laets hem claerlijck bekijcken

 

t Ghediert', kruijt, schatten swaer.

 

Wilt nu dan stadich loven

 

Huyghen als seer bemint

 

Van Cypris, die gheschouen

 

Hem heeft door Neptuns houen

 

Met voorspoedighe wint,

 

Dies hy nu elck bekint

 

Maeckt met schildersche toghen,

 

'tGheen zijn doorsichtigh' ooghen,

 

Oyt comen is ontrent.

 

t'Welck alles is ghedreuen

 

In dit const-rijcke boeck,

 

Door hem constich gheschreuen.

 

O jongman, waert verheuen

 

By de verstanden cloeck,

 

Aen elcken kant en hoeck

 

Moet u lof eeuwich dueren;

 

Des nijts seer boose kueren

 

Doen aen u gheen versoeck²⁾.

 

 

 

In Amor' perseverando.

 

C.T.

1) = het Voor-Indische rijk Vijayanagar.

2) poging.