Van de Schelde tot de Weichsel. Deel 2: Neder-Duitschland

[p. 307]

Sir John ēm Waschkorf.
Aus ‘de lostgen wiewer von Windsor’ von Shakspeare. in Elbinger platt übersetzt von Dr. Robert Dorr in Elbing.

(III. Act. Drēdder Optrētt.)

Staw ēn Forth's Hus.

Fru forth on Fru page lreden op.

Fru forth.

He, Hans! He, Robert!

Fru page.

Fluck⁽¹⁾, fluck! Ēs de Waschkorf -

Fru forth.

Ja woll! He, Robin, seg ēk -

(Deener treden op met 'nem groten Korf.)

Fru page.

Na, tagger⁽²⁾, tagger!

Fru forth.

Hier sett em dal⁽³⁾!

Fru page.

Segt june Lied, wat se donen sälen, dat mott kort on scharp⁽⁴⁾ gahnen.

Fru forth.

Na, Hans on Robert, wie ēk ju all segt heww, holt ju hier newenbi ēm Bruhus prat⁽⁵⁾, on wenn ēk ju ropen warr, kamt strack⁽⁶⁾ ēnēn, on nehmt fortzend⁽⁷⁾ on ahne Omstönd dissen Korf op june Schullern. Wenn ji dat hebben, draft⁽⁸⁾ mi darmēt ēn aller Hast to de Bleekersch⁽⁹⁾ op der Datschet-Wes'⁽¹⁰⁾, on dar schētt⁽¹¹⁾ em ut ēn den moddgen⁽¹²⁾ Grawen, dieht bi der Themse.

Fru page.

Warr ji dat donen?

Fru forth.

Ēk heww et en⁽¹³⁾ e Langet on e Breedet utenandergesett; se weeten, wat se to donen hebben. Gaht on kamt, wenn ji geropen warren.

(De Deener af.)

(1) Fluck, schnell, flugs.

(2) Tagger, hurtig.

(3) Sett em dal, setzt ihn nieder.

(4) Kort on scharp, kurz und scharf.

(5) Newenbi u.s.w., nebenbei im Brauhause bereit.

(6) Strack, sogleich.

(7) Fortzend, sofort.

(8) Draft, trabt.

(9) Bleekersch, Bleichern.

(10) Wes', Wiese.

(11) Schett, schüttet.

(12) Moddgen, schlammigen.

(13) En, ihnen.

[p. 308]

Fru page.

Hier kommt de kleene Robin.

(robin trett op.)

Fru forth.

Na, du kleener Sprockheister⁽¹⁾, wat bringst du Niet⁽²⁾?

robin.

Mien Herr, Sir John, ēs dorch de Hingerdär ēnēn gekamen, Fru Forth, om ju to beseeken⁽³⁾.

Fru page.

Hest du uk nich geplappert, du kleener Fant?

robin.

Dat heww ēk nich, ēk schwär⁽⁴⁾ et ju to: mien Herr weet nich, dat ji hier sēnd. He hefft mi gedrant⁽⁵⁾, he wēll mi fri maken wie den Vagel ēn der Loft, wenn ēk ju darvon vertell; denn he hefft schwaren⁽⁶⁾, he wēll mi wegjagen.

Fru page.

Du bēst en godet Jungken. Disse Verschwegenheit von di sall dien Schnieder warren, on sall di en niet Wamms on Böxen maken. Ēk gah mi versteken⁽⁷⁾.

Fru forth.

Dot⁽⁸⁾ dat. Gah, vertell dienem Herrn, dat ēk alleen si⁽⁹⁾. Fru Page, verget⁽¹⁰⁾ nich jun Stichwort!

(robin af.)

Fru page.

Hefit nuscht to seggen, wenn ēk miene Roll nich god mak, denn zischt mi ut! (Af.)

Fru forth.

Na, nu kann't losgahnen! Wacht⁽¹¹⁾ man, du schmoddliget⁽¹²⁾ Schischkewater⁽¹³⁾, du plästriger watriger⁽¹⁴⁾ Kerbs⁽¹⁵⁾, wi warren di lehren, twēschen Duwen⁽¹⁶⁾ on Krahjen⁽¹⁷⁾ 'nen Uingerscheed⁽¹⁸⁾ to maken.

(falstaff trett op.)

falstaff.

Heww ēk di gewonnen, mien himmlischet Juwel? Ha! Nu mucht ēk starwen, denn ēk heww lang genog geleft⁽¹⁹⁾. Dit⁽²⁰⁾ ēs dat Ziel von mienem Ehrgiez. Wie wunderschön ēs disse Stund!

(1) Sprockheister, Strauchelster, Lanius excubitor.

(2) Niet, (für Nieet) Neues.

(3) Beseeken, besuchen.

(4) Schwär, schwöre.

(5) Gedraut, gedröht.

(6) Schwaren, geschworen.

(7) Versteken, verstecken.

(8) Dot, thut.

(9) Si, bin.

(10) Verget, vergeszt.

(11) Wacht, warte.

(12) Schmoddliget, schmutziges.

(13) Schischkewater, unreines Wasser.

(14) Plästriger watriger, plumper wäszriger.

(15) Kerbs, Kürbis.

(16) Duwen, Tauben.

(17) Krahjen, Krähen.

(18) Uingerscheed, Unterschied.

(19) Geleft, gelebt.

(20) Dit, dieses.

[p. 309]

Fru forth.

Ach leefster Sir John!

falstaff.

Fru Forth, ēk kann nich schmeicheln, ēk kann nich parleeren⁽¹⁾, Fru Forth. Awert eenen sindgen⁽²⁾ Wonsch⁽³⁾ hebb ēk: ēk wull⁽⁴⁾, dien Mann weer dodt. Dem öppersten⁽⁵⁾ Lord wēll ēk't ēn't Gesēcht seggen, dat ēk di to miener Lady maken wudd⁽⁶⁾.

Fru forth.

Ēk june Lady, Sir John? Ach Herrje, ēk wudd 'ne erbärmliche Lady afgewen.

falstaff.

Lat mi de Hof von Frankrick so eene tweede opwiesen, wie du eene bēst! Dien Og strahlt wie de Diamant, diene Ogbruen⁽⁷⁾ hewwen accrat den rechten Schwung, de to jiedem Koppputz⁽⁸⁾ paszt, to'm Matrosenopsatz⁽⁹⁾, to'm Amazonenopsatz, to jidwieden Venetianischen Opsatz.

Fru forth.

En schlichtet Koppdok⁽¹⁰⁾, Sir John; wat Andret paszt nich to miene Ogbruen, on ut dat nich eenmal sonderlich.

falstaff.

Bi'm allmachtgen Gott, du bēst grausom gegen di sēlwst, wenn du dat segst. Du wuddst 'ne perfecte Hofdam afgewen; on dat sēehere Optreden von dienem Foot wudd dienem Gang ēn eener halfrunden Crinolien en wundervollet Utsehnen⁽¹¹⁾ gewen. Ēk seh, wat du sēnnen wuddst, wenn dat Glöck nich dien Fiend weer; de Natur hefft et god mēt di gemeent⁽¹²⁾, dat kannst du nich afstrieden⁽¹³⁾.

Fru forth.

Gleeft⁽¹⁴⁾ mi, von allem dem ēs nuscht an mi to fingen.

falstaff.

Wat hefft mi ēn di verleeft gemakt? Darut kannst du afnehmen⁽¹⁵⁾, dat ēn di wat Butrornaret⁽¹⁶⁾ steckt. Komm, ēk kann nich scharwenzeln⁽¹⁷⁾ on seggen, du bēst dit on dat, wie so menge⁽¹⁸⁾ von disse wispernde Zierbēngels donen, de wie Wiewer ēn Mannskleeder romrennen⁽¹⁹⁾, on wie en Apothekerladen ēm Samer⁽²⁰⁾ ricken⁽²¹⁾. Dat kann ēk nich, awer ēk leew di, di alleen, on du verdeenst et.

Fru forth.

Bedreegt⁽²²⁾ mi nich, Sir; ēk förcht, ji leewen de Fru Page.

(1) Parleeren, parliren: leicht und zierlich reden.

(2) Sindgen, sündigen.

(3) Wonsch, Wunsch.

(4) Wull, wollte.

(5) Öppersten, vornehmsten.

(6) Wudd, würde.

(7) Ogbruen, Augenbraunen.

(8) Koppputz, Kopfputz.

(9) Matrosenopsatz, Matrosenaufsatz.

(10) Koppdok, Kopftuch.

(11) Utsehnen, Aussehen.

(12) Gemeent, gemeint.

(13) Afstrieden, abstreiten.

(14) Gleeft, glaubt.

(15) Afnehmen, entnehmen, schlieszen.

(16) Butrornaret, Auszergewöhnliches.

(17) Scharwenzeln, schön thun.

(18) Menge, manche.

(19) Romrennen, umherlaufen.

(20) Samer, Sommer.

(21) Ricken, riechen.

(22) Bedreegt, betrügt.

[p. 310]

falstaff.

Du kunnst ewen so god seggen, ēk leew nen Spozeergang ēn den Schuldthorm, wat mi justment accrat so towedder⁽¹⁾ ēs, wie de Rok⁽²⁾ ut 'nem Kalkawen⁽³⁾.

Fru forth.

Na mientwegen, de Himmel weet, wie ēk ju leew; ji warren dat noch mal⁽⁴⁾ gewahr warren.

falstaff.

Dēnkt ēmmer so āwer mi; ēk warr mi darnah opfeehren⁽⁵⁾.

Fru forth.

Na, ēk mott ju seggen, dat do ji all, sonst wudd ēk nich so äwer ju dēnken.

robin (von buten).

Fru Forth, Fru Forth! Hier ēs Fru Page vōr der Där, de schweet on pust⁽⁶⁾, on sitt ganz verwillert ut: se hefft nu fort⁽⁷⁾ ganz wat Needget mēt ju to bereden.

falstaff.

Se sall mi nich sehnen. Ēk wēll mi hinger der Tapet versteken.

Fru forth.

Ēk bēdd ju, dot dat: se ēs 'ne gewaltge Klatsch-Lies'⁽⁸⁾.

(falstaff versteckt sik; Fru page on robin treden op.)

Fru forth.

Wat gēt et? Wat ēs los?

Fru page.

Ach, leewe Fru Forth, wat heww ji gedanen! Ji sēnd beschēmpt, ji sēnd verlaren, mēt ju ēs't ut för ēmmer.

Fru forth.

Worvon red ji denn, leewe Fru Page?

Fru page.

Du leewe Tied, Fru Forth! So 'nen ehrlichen goden Mann wie ji to hebben, on em so'nen Grund to'm Mēsztruen to gewen!

Fru forth.

Wat for 'nen Grund to'm Mēsztruen?

Fru page.

Wat för 'nen Grund to'm Mēsztruen? Schämt ju doch! Wie hebb ēk mi ēn ju geērrt!

Fru forth.

Awer ēn aller Wēlt, wat ēs denn los?

Fru page.

Jun Mann kömmt hierher, Fru, mēt alle Gerēchtsdeener ut Windsor. He wēll nah eenem Herren seeken, de, wie he segt, sik hier opstuings

(1) Towedder, zuwider, verhaszt.

(2) Rok, Rauch.

(3) Kalkawen, Kalkofen.

(4) Mal, einst.

(5) Opfeehren, mich aufführen, betragen.

(6) Schweet on pust, schwitzt und keucht.

(7) Fort, sofort.

(8) Klatsch-Lies', Schwätzerin.

[p. 311]

mēt juner Ēnwēlligung ēm Hus ophöllt⁽¹⁾, on de 't sik to Nutz maken wēll, dat he sēlwst nich t'Hus ēs. Mēt ju ēs't rein⁽²⁾ ut.

Fru forth.

Ēk hap, dat ēs nich an dem!

Fru page.

De Himmel gew, dat et nich so ēs, on dat ji keenen so'nen Mann hier hebben; awer dat ēs ganz gewēsz, dat jun Mann kömmt mēt half Windsor op siene Hacken; om nah so Eenem to seeken. Ēk rennd vörop, ju dat to vertellen. Wenn ji weeten, dat ji onschullig sēnd, sall't mi freien; wenn ji awer 'nen goden Frind bi ju hewwen, denn schafft em fort. Sied nich so verblöfft; nehmt allen junen Grips⁽³⁾ t'hop; verdefendeert⁽⁴⁾ junen goden Namen, oder segt junem goden Lewen för ēmmer ade.

Fru forth.

Wat sall ēk donen? Freilich ēs en Herr hier, en sehr leewer Frind von mi, on ēk förcht nich so sehr miene eegne Schand, as dat em en Leeds andan' ward. Hundertdusend Daler geef⁽⁵⁾ ēk drom, wenn he ut dem Hus' weer!

Fru page.

I, gaht mi doch mēt junem: ‘Geef ēk drom! Geef ēk drom!’ Jun Mann ēs den Ogenblēck hier; dēnkt wat ut, wie ji den Andern fortschaffen, hier ēm Hus' könn ji em nich versteken. Wie heww ji mi doch hinger't Licht gefeehrt! Kickt, dar steiht en Korf: wenn he nich von all to onvernönftiger Statur ēs, kann he dar ēnēnkrupen⁽⁶⁾; on denn schmiet⁽⁷⁾ schwarte Wasch⁽⁸⁾ bawenop⁽⁹⁾, as wenn de ēngeweekt⁽¹⁰⁾ warren sull; oder, et ēs grad de Bleektied⁽¹¹⁾, schēckt em dorch twee von june Lied op de Datschet-Wes'!

Fru forth

He ēs to dick, he geiht dar nich ēnēn. Wat fang ēk an?

falstaff (kömmt vär).

Lat mi sehnen, lat mi sehnen! Lat mi doch mal sehnen! Ēk wōll ēnēn, ēk wēll ēnēn! Heert op dat, wat june Nabersche⁽¹²⁾ segt! Ēk wēl ēnēn!

Fru page.

Wat! Sir John Falstaff! Sēnd dat june Breew, Herr Ritter?

falstaff.

Ēk leew di, - help mi darto, dat ēk wegkam! Lat mi dar ēnēnkrupen! Ēk wēll miendag nich -

(He kript ēn den Korf, se bedecken em mēt schwarter Wasch.)

Fru page.

Help dienen Herrn bedecken, mien Jung. Ropt⁽¹³⁾ june Lied, Fru Forth! Ji heichlerischer⁽¹⁴⁾ Ritter!

(1) Ophöllt, aufhält.

(2) Rein, ganz.

(3) Grips, Verstand.

(4) Verdefendeert, vertheidigt.

(5) Geef, gäb.

(6) Ēnēnkrupen, hineinkriechen.

(7) Schmiet, werft.

(8) Schwarte Wasch, schwarze, schmutzige Wäsche.

(9) Bawenop, oben drauf.

(10) Ēngeweekt, eingeweicht.

(11) Bleektied, Bleichenszeit.

(12) Nabersche, Nachbarin.

(13) Ropt, ruft.

(14) Heichlerischer, henchlerischer.

[p. 312]

Fru forth.

He Hans! Robert! Hans!

(robin af. De Bedeenten kamen.)

Kamt, schullert disse Wasch op⁽¹⁾, fluck! Wor ēs de Dragstang⁽²⁾? Wat zodder⁽³⁾ ji denn? Bringt dat to der Waschfru op de Datschet-Wes'. Makt fluck!

(forth, page, cajus on Sir hugh evans treden op.)

forth.

Ēk bēdd ju, kamt nehger. Wenn ēk ahne Orsak Onrath witter, woll, denn makt mi to'm Lullei⁽⁴⁾ on drieft⁽⁵⁾ junen Spasz mēt mi! ēk verdeen dat denn. Holla, wor drag ji dat hen?

deener.

To'r Waschfru, Herr.

Fru forth.

Nanu, wat geiht denn di dat an, worhen se dat dragen? Dat fehlt uk noch, dat du et di op de Heerner nēmmst⁽⁶⁾, di om miene Wasch to bekömmern.

forth.

Op de Heerner. Ēk warr noch mehr op de Heerner nehmen, wie dat. Ja, op de Heerner! Dat ward sik hold utwiesen⁽⁷⁾.

(De Deener gahnen mēt dem Korf af.)

Miene Herres, ēk heww disse Nacht 'nen Drom⁽⁸⁾ gehatt; ēk warr ju den Drom vertellen. Hier sēnd miene Schlätels, gaht ēn miene Stawen 'nop, spärt ut, seekt nah, dorchsteewert⁽⁹⁾ Alles. Ēk seg ju, wi stakern⁽¹⁰⁾ den Fosz⁽¹¹⁾ ut dem Bu⁽¹²⁾ rut. Lat mi eerst dit Loch verstoppen⁽¹³⁾. So, nu gaht em to Liew!

page.

Leewer Herr Forth, geft ju tofreden, ji donen ju sēlwst dat greetste Onrecht an.

forth.

Dat's wahr, Herr Page. Spozeert 'nop, ji Herren, ji warren glick 'nen Spasz hebben; kamt mēt, ji Herren!

(Geiht af.)

evans.

Das ēs en verdammt fantastischer Humor un 'ne afsonderliche Eifersocht.

cajus.

Parbleu! dar szēnnen nik Eiferszocht ēn France.

page.

Na, wi wöllen em nahgahnen, ji Herren, on sehnen, wat bi siener Seekerie⁽¹⁴⁾ rutkömmt.

(1) Schullert u.s.w., nehmt auf eure Schultern.

(2) Dragstang, Tragstange.

(3) Zodder, zaudern.

(4) Makt mi u.s.w., habt mich zum Besten.

(5) Drieft, treibt.

(6) Et di op u.s.w., es dir in den Kopf setzest.

(7) Utwiesen, zeigen.

(8) Drom, Traum.

(9) Dorchsteewert, durchstöbert.

(10) Wi stakern, wir treiben hinaus.

(11) Fosz, Fuchs.

(12) Bu, Bau.

(13) Verstoppen, verstopfen.

(14) Seekerie, Nachsuchung.

[p. 313]

(page, evans on cajus gahnen af.)

Fru page.

Ēs dat nich en dobbelt⁽¹⁾ excellēnter Spasz?

Fru forth.

Ēk weēt nich, wat mi beter geföllt, dat mien Mann angefeehrt ēs, oder Sir John.

Fru page.

Wat hefft he blot⁽²⁾ för Angst utgestahnen, as jun Mann frog⁽³⁾, wat ēn dem Korf weer!

Fru forth.

Ēk sull⁽⁴⁾ meenen, he ward de Wasch needig hebben, on so ward et ne Wolldat⁽⁵⁾ för em sēnnen, wenn he ēn't Water schmeten ward.

Fru page.

An den Galgen mēt dem liederlichen Schurken! Ēk wull, dat all de Keerls, de so sēnd wie he, grad so ēn de Patsch keemen⁽⁶⁾!

Fru forth.

Ēk meen, mien Mann mott bestēmmde Nachrēcht darvon hebben, dat Falstaff herkeem, denn ēk heww miendag noch nich gesehnen, dat he so plästrig⁽⁷⁾ ēn siener Eifersocht weer, wie ditmal.

Fru page.

Ēk wēll mi en Stöcksken⁽⁸⁾ utdēnken, om dat uttoprobeeren; on wi motten dem Falstaff noch mehr Streichen⁽⁹⁾ spelen. Siene liederliche Krankheit ward schwarlich dorch disse Medizien geheelt sēnnen.

Fru forth.

Wöllen wi noch eenmal dat narrsche⁽¹⁰⁾ Wiefstöck⁽¹¹⁾, de Hurtig, to em schêcken, on ons daräwer entschuldgen, dat he ēn't Water schmeten⁽¹²⁾ ēs? on em op't Nie⁽¹³⁾ Hapning maken, darmēt wi em noch eenmal afstrafen⁽¹⁴⁾ känen?

Fru page.

Dat wöll wi donen: wi wöllen em to Morgen freej om Klock acht herbestellen, om dat Gescheehne⁽¹⁵⁾ god to maken.

(forth, page, cajus on Sir hugh evans kamen trigg.)

forth.

Ēk kann em nich fingen; mäglich, dat de Keerl mēt Sachen prahlen deed, de he nich dorchsetten⁽¹⁶⁾ kunn.

Fru page.

Na, nu heert dat mal an!

(1) Dobbelt, doppelt.

(2) Blot, nur.

(3) Frog, fragte.

(4) Sull, sollte, - möchte glauben.

(5) Wolldat, Wohlthat.

(6) Ēn de u.s.w., in Noth kämen.

(7) Plästrig, plump.

(8) Stöcksken, Stückchen.

(9) Streichen, Streiche.

(10) Narrsche, närrische.

(11) Wiefstöck, Weibstück, Weib.

(12) Schmeten, geworfen.

(13) Op't Nie, aufs Neue.

(14) Afstrafen, abstrafcn, bestrafen.

(15) Gescheehne, Geschehene.

(16) Dorchsetten, durchsetzen, ausführen.

[p. 314]

Fru forth.

Ji behandeln mi recht god, Herr Forth, do ji nich?

forth.

Ja, dat do ēk.

Fru forth.

De Himmel mäg ju beter maken as june Gedanken sēnd!

forth.

Amen!

Fru page.

Ji donen ju sēlwst dat greetste Onrecht an, Herr Forth.

forth.

Ja, ja, ēk mott et mi gefallen laten.

evans.

Wenn hier Eener ēn dem Haus ēs, ēn de Stuben, ēn de Kisten on ēn de Kleederschaffs⁽¹⁾, so soll mer Gott meine Sinde⁽²⁾ am jingsten Tak vergebe!

cajus.

Parbleu, mi uk; dar szēnnen keen Seel.

page.

Pfui, pfui, Herr Forth, schäm ji ju nich? Wat för'n Geist, wat för'n Diewel hefft ju disse Ēnbildung ēngeblasen? Ēk mucht sone Schrollen⁽³⁾ nich ēm Kopp hebben, nich om alle Schätze ēn Windsor-Schlott⁽⁴⁾.

forth.

Et ēs mien Fehler, Herr Page; ēk mott darfär biszen⁽⁵⁾.

evans.

Ihr biszt vor eier böses Gewēsse, eier Weib ēs eine so ehrbare Perschon, as ēch mer wönsche micht under fönftausend on fönfhundert derzu.

cajus.

Parbleu, ēk szehnen, dat szēnnen een ehrbar Wiefstöck.

forth.

Woll; ēk heww ju 'ne Mahltied verspraken. Kamt, kamt, spozeert mēt mi ēn den Park! Ēk bēdd ju, seht mi dat nah⁽⁶⁾; ēk warr ju dennahs⁽⁷⁾ vertellen, worom ēk dat danen⁽⁸⁾ heww. Komm Fru; kamt Fru Page; ēk bēdd ju, sied wedder god; ēk bēdd ju recht vom Harten, sied god.

page.

Kamt, wi wöllen ēnēn gahnen, miene Herren, awer darop kän ji ju verlaten, wi wöllen em narren. Ēk lad ju to morgen freej ēn mien Hus to'm Freestöck⁽⁹⁾ ēn. Dennahs gahnen wi t'hop op de Vageljagd; ēk heww 'nen goden Falken. Ēs dat afgemakt?

(1) Kleederschaffs, Kleiderspinden.

(2) Sinde, Sünden.

(3) Schrollen, Schrullen, närrische Einfälle.

(4) Schlott, Schlosz.

(5) Biszen, büszen.

(6) Seht mi u.s.w., verzeiht mir das.

(7) Dennahs, nachher.

(8) Danen, gethan.

(9) Freestöck, Frühstück.

[p. 315]

forth.

Ēk si't tofreden.

evans.

Wenn dar einer s, wēll ēch zē'r Gesellschaft der zweete seine.

cajus.

Venn dar szēnnen eent oder twee, ēk vēll szēnnen de drētt.

forth.

Ēk bēdd ju, kamt, Herr Page.

evans.

Ēch bētt eich, denkt mer morge an de lausige Keerl, meine Weerth.

cajus.

Parbleu! dat szēnnen kod; von kanz mien 'Art.

evans.

E lausige Keerl, sone Schosen⁽¹⁾ on Narrenstäg⁽²⁾ ze mache!

(Se gahnen af.)

(1) Schosen, Streiche.

(2) Narrenstäg, Narrenpossen.