Van de Schelde tot de Weichsel. Deel 2: Neder-Duitschland

Sagen. (Usedom.)

In ollen tieën, wo noch de riesen hier to lan west sin, dao is auk maol ein west, dei het, as dat klauster to Pudagla buucht⁽³⁾ waar, einen grauten stein naomen, un het deen vannen Hööfder barg⁽⁴⁾ bi Loddin (annere seggen van Lassan aor Grüssow) na't klauster daol⁽⁵⁾ smeeten, aoberst de stein is em uute fingern uutglipt un is uppen Kaomker barg bi Pudagla daol fallen, un is dun van baoben⁽⁶⁾ runner truuëlt un in't waoter liggen bliewen, woo hei noch to seien⁽⁷⁾ is. Wiel dun⁽⁸⁾ aoberst de stein noch wassen⁽⁹⁾ deeën, is de stein so weik west, dat de fief fingers sik indrückt hebben, un as hei haar⁽¹⁰⁾ wuur, sin dee auk immer noch to seien bliewen, un de kuul⁽¹¹⁾, woo hei vannen barg runner truuëlt is, is auk noch to seien.

Dao is auk maol en riesenminsch west, de het wullen sine geus⁽¹²⁾ in't felt driewen, un as dei sin van nander flagen⁽¹³⁾, da het hei eine beuk⁽¹⁴⁾ uutreeten, uut dee een dree auk veer klasper holt haugen künnt, un het sei daomet alltohope⁽¹⁵⁾ in't felt driewen.

En riesenmäken⁽¹⁶⁾ het auk maol einem knecht met twei ossen unnen haken un all tüüch⁽¹⁷⁾ in äre schörte⁽¹⁸⁾ packt, wiel är dat lütte⁽¹⁹⁾ wörm duurt⁽²⁰⁾ het.

Firmenich.

(3) Buucht, gebaut.

(4) Barg, Berg.

(5) Daol, nieder.

(6) Baoben, oben.

(7) Seien, sehen.

(8) Dun, damals, dann.

(9) Wassen, wachsen.

(10) Haar, bart.

(11) Kuul, Grube.

(12) Geus, Gänse.

(13) Flagen, geflogen.

(14) Beuk, Buche.

(15) Alltohope, allzusammen.

(16) Riesenmäken, Riesenmädchen.

(17) Tüüch, Zeug.

(18) Schörte, Schürze.

(19) Lütte, kleine.

(20) Duurt, gedauert, leid gethan.