Van de Schelde tot de Weichsel. Deel 2: Neder-Duitschland

Harm sleit Larm.

Harm sleit Larm

Un strikt up de Darm⁽²⁾
Un singt vaer de Hüse sin Leed.
Denn sünd up de Strat
De Jungens al prat,
To hören den Larm, wenn Harm so schreet.

Harm sleit Larm

Wat fidelt sin Arm!
He will wat verdenen, de Slucks⁽³⁾.
De Lüd bi de Flasch
Krigt Geld ut de Tasch,
Dat gèvt se den Harm vaer Larm un Jux.

Harm sleit Larm

De Drinkers weert warm
Un singt denn mit em in de Wett.
Wat geit dat dar hèr!
Nu geit vaer de Daer
Tor Strat up de Swarm, den Harm dar hett.

Harm sleit Larm.

Se drunken keen Barm⁽⁴⁾,
Blot Klaren, betalt nu de Zech,
Sünd daesig⁽⁵⁾ un dun⁽⁶⁾,
Fallt achter den Tun⁽⁷⁾.
Nümms lett sik erbarm; denn Harm geit weg.

(Ditmarschen.)

Lüder Woort

(2) Darm, Violine.

(3) Slucks, Schlucker.

(4) Barm, trübes Bier, Bodensatz des Bieres.

(5) Daesig, dummelig (schwindlig).

(6) Dun, betrunken.

(7) Tun, Zaun.