Van de Schelde tot de Weichsel. Deel 2: Neder-Duitschland

[p. 192]

De Schaaphar⁽¹⁾ op'n butendik⁽²⁾.

Dat is all'n lange, och, lange Tid her,

Do weer ick noch kleen,

Do hö ick de Schaap op'n Butendik

So ganz, ganz alleen.

Mien Mess' un mien Fleit un mien Hund un mien Pietsch,

Mien Schaap rund umher,

Ick mug et wul wäten, wer ringsum so riek,

As ick damals weer.

Denn sög ick mi Eier von Kivit un Möv

In schäbigen Hot,

Denn lagern wi beiden uns, Karro un ick,

Un deel'n unse Brod.

Denn sung ick en Leed, un dat schiller so wiet,

Un klatsch mit de Swep,

Un wiet, och, wiet achtern Butendik,

Da seilen de Schep.

Nu bin ick wul seilt op'n Schipp umme Welt,

Bin olt un bin riek.

Doch bin ick mien Dag nich so glücklich mehr weszt,

As do op'n Dik.

(Ditmarschen.)

Sophie Dethleffs.

(1) Schaaphar, Schafhirt.

(2) Butendik, Auszendeich.