Van de Schelde tot de Weichsel. Deel 2: Neder-Duitschland

[p. 74]

Wahlversammlung.

Meesken wil vreejen,
Seggt, well sall Meeksmann⁽¹⁾ sien? -
De der alltied röppt sien eegen Naam,
Un kummt sien Nabers⁽²⁾ Fro in d' Kraam,
Sien Naber wat in't Nüstje schickt,
Is'n Meeksmann, de'n good Frohjahr wickt.

Kukuk, Kukuk! -

Kukuk an't Woord! ‘Kukuk.’
‘Kukuk,’ hört, hört! - ‘Kukuk,’ hört, hört! -

Kukuk sall Meeksmann sien,

Kukuk sall't sien!

Meesken will vreejen,
Seggt, well sall Kanter⁽³⁾ sien? -
De kreit, löppt Tied un Wies' verkehrt,
De Spooren drogt un rid kien Perd,
De stimmt, wenn't A, B, C to End⁽⁴⁾,
Föhrt achter d' Front dat Regiment⁽⁵⁾.

Hahntje! Hahntje! -

Hahntje an't Woord: ‘Kikeri!’
‘Kikeri,’ hört, hört! ‘Kikeri,’ hört, hört!

Hahntje sall Kanter sien,

Hahntje sall't sien!

Meesken will vreejen,
Seggt, well sall Köster sien? -
De wreet⁽⁶⁾ mit uns sien Kroosje⁽⁷⁾ kippt⁽⁸⁾,
War'n⁽⁹⁾ Pastor drinkt, bescheden nippt,
War'n Pastor ett, sien Brod instippt,
Un alltied flink mit't Stertje Wüppt.

Häkster, Häkster!

Häkster an't Woord! - ‘Hepp, hepp!’
‘Hepp, hepp,’ hört, hört! ‘Hepp, hepp,’ hört, hört!

Häkster sall Köster sien,

Häkster sall't sien!

Meesken will vreejen,
Seggt, well sall Pastor sien? -
En Paster, de nich kiefen⁽¹⁰⁾ kann,
De sehn vör vull d'oll Wief' nich an,

(1) Meeksmann (Holl. maaksman), Heïraths-Unterhändler.

(2) Naber, Nachbar.

(3) Kanter, Cantor.

(4) De stimmt u.s.w., der noch spricht, wenn Keiner mehr was zu reden hat.

(5) Fört achter u.s.w., weil er als Befehlshaber hinter den Hühnern her schreitet.

(6) Wreet, übermüthig.

(7) Kroosje, Holl. kroesje.

(8) Kippen (eig. umstürzen), leeren.

(9) War'n, wo ein,

(10) Kiefen (Holl. kijven), schelten.

[p. 75]

 

Un Aeten, Drinken is good wark

 

To Nütt un Ehr van Lief un Kark.

 

Klunkrav⁽¹⁾, Klunkrav!

 

Klunkrav an't Woord! - ‘Quark, quark,’

 

‘Quark, quark,’ hört, hört! ‘Quark, quark,’ hört, hört

 

Klunkrav sall Pastor sien,

 

Klunkrav sall't sien!

 

 

 

Meesken will vreejen,

 

Well sall Bruutjuffer sien? -

 

Rabientje, Lüntje⁽²⁾, Nachtigal,

 

Duv', Schwaalke, Tütje⁽³⁾. Wackre Wahl! -

 

Süso! - Dat's dan. - Session⁽⁴⁾ is uut. -

 

Man töft⁽⁵⁾ ins, - Stopp! Well is de Bruut?

 

Meesken, Meesken!

 

Meesken, de Bruut? - Ha, ha!

 

Ha, ha! de Bruut? Ha, ha! de Bruut?

 

Meesken, well is de Bruut?

 

Meesken, de Bruut!

 

 

 

Fooke Hoissen Müller.

(1) Klunkrav, Kolkrabe.

(2) Lüntje, Sperling.

(3) Tütje, Huhn.

(4) Session; Sitzung, Versammlung.

(5) Töven (Holl. toeven), warten.