Van de Schelde tot de Weichsel. Deel 1: Frankrijk - Zuid-Nederland - Noord-Nederland

Et kammeneerke⁽²⁾. (Maastricht.)

Dao waos e kammeneerke, Truike,
Dat wou zoe geere trouwen goon.
- En eeder⁽³⁾ preuf ins van dat nuike⁽⁴⁾.
't Is vreug of laat, das onderdoon⁽⁵⁾. -
Mer wie zich noe get⁽⁶⁾ goods gegeven?
Dat maolde Truiken in de kop;
Want in et houw'lik smaal te leven,
Dee wèijer⁽⁷⁾ gong bij heur neet op.

Woe neet is enen haos te vangen,
Dao ziin de vrijers drommels raar.
Eus Truike leet de lip zoe hangen,
Dat heúr Mevrouw dat woort gewaar.
Die dacht: wat maag eus Truike plaogen?
En vroog heúr: zék, wat is et tan?
- ‘Mevrouw, ich wél me leid neet klaogen,
Mê!...'ch hêi⁽⁸⁾ zoe geeren ene maan!’

‘O!’ - zag Mevrouw - ‘das licht te vinden,
Dee wins is déks te gauw vervúld;
Mer laot tich oppe mouw niks binden,
Want anders weurste mer gekúld⁽⁹⁾.
Op twintig gúllen konste téllen⁽¹⁰⁾,
Die zét ich tich es broedschat tou,
Mer geere zou ich kinnen wéllen
Wee⁽¹¹⁾ dine maan dan weerden zou.’

Et meidske waos van vreúgd wie dronken.
Den daag waos nog neet um, of blij
En trots, dao kaom ze mét em pronken:
‘Mevrouw, zeet⁽¹²⁾ mine leeste⁽¹³⁾ hei⁽¹⁴⁾!

(2) Kammeneerke, kamenierke.

(3) Eeder, ieder.

(4) Nuike, nieuwtje.

(5) Onderdoon, eigenaardige uitdrukking. Das onderdoon, (lett. dat is onderdaan, af hankelijk, dat hangt er van af?), wat de Franschen teruggeven door c'est selon; hier dus voor: naarmate de kans is, zooals het geluk wil.

(6) Get, wat.

(7) Wêijer, waaier. Dee wêier geit neet op (die waaier gaat niet op), voor: dat lukt niet, dat wil niet. Dee wêijer gong bij heur neet op (die waaier ging bij haar niet op), voor: dat wilde zij niet, dat was haar zin niet. (Elders: die vlieger gaat niet op).

(8) Hêi, had.

(9) Gekúld, gefopt.

(10) Téllen, rekenen.

(11) Wee, wie.

(12) Zeet, ziet.

(13) Leeste, liefste.

(14) Hei, hier.

[p. 381]

 

Dao stont e keelke⁽¹⁾, e mager schrenske,

 

Stiif, plomp, en roed van haor!

 

't Waos veur⁽²⁾ te lachen, zoe en henske,

 

Dat neet ins recht gewassen waor.

 

 

 

‘Foi!’ - zag Mevrouw - ‘onnuzel Truike,

 

Is dat veur dich noe ene maan,

 

Ich weit neet wie e núgger⁽³⁾ vruike⁽⁴⁾

 

In zoe get⁽⁵⁾ zich verleeven kaan.’

 

Et kammeneerke kós neet zwigen,

 

En zag⁽⁶⁾, zoe sneppig es 'ne sprieuw:

 

‘Wat is dan ouch veúl raars te krigen,

 

Veur twintig gúllen in dees ieuw!’

 

 

 

G.D. Franquinet.

(1) Keelke, kereltje.

(2) Veur, om.

(3) Núgger, snugger.

(4) Vruike, vrouwtje.

(5) Get, wat.

(6) Zag, zei.