Van de Schelde tot de Weichsel. Deel 1: Frankrijk - Zuid-Nederland - Noord-Nederland

(E)en praetje tusschen tweae boeren. (Schouwen.)

Dag, naôm⁽²⁾, nog goed? - E jaô, joân⁽³⁾, aô wel. Naê stad 'ewist? - Jaô, ma dae was nîe(t) vee(l) volk in stad. - Neê, i(k) bin ma t' uus 'ebleeve, je mo(t) rekene, de paêren⁽⁴⁾ ê 't⁽⁵⁾ druk oât, in ik ê(b) van oggend vóór acht ure mit den blissen⁽⁶⁾ nog ên voer geeste⁽⁷⁾ binnen motte menne. - E-je a(l) geeste 'edosse⁽⁸⁾? - Neè, de mart is te leâge⁽⁹⁾. - Zoâ, ze was van daêge toch wat 'ooger, vuuf in en aôlve (gulden) e-'k oârd⁽¹⁰⁾. - Ze za(l) nog we(l) dierder oâre. -

E-je in de niewe polder die meà⁽¹¹⁾ 'ezie? Z' eit veel 'elee van de nattig'eit, je mo(t) rekene, de dulven bin nie diepe genogt, in de suaôsje⁽¹²⁾, dat lieken⁽¹³⁾ nieuwerst⁽¹⁴⁾ nae. 'T is en bedroefd dienk, 'k ê 't aôltiet wel 'ezeit, dat de sluus nie meâ⁽¹⁵⁾ trekke zou, mit dat indieken van 't schorre⁽¹⁶⁾.- Onderlesten⁽¹⁷⁾ bimmen⁽¹⁸⁾ d'er weer voo biemenkaôre 'ewist, in wilder

(2) Naôm, (n)oom.

(3) Joân, jongen.

(4) Paêren, paarden.

(5) ê 't, hebben het.

(6) Blissen, bles; Hd. Blass.

(7) Geeste, gerst.

(8) Edosse, gedorscht.

(9) Leâge, ee van peer.

(10) Oârd, gehoord.

(11) Meâ, meekrap.

(12) Suaôsje, suatie, uitwateringssluis.

(13) Lieken, liekt, lijkt.

(14) Nieuwerst, (niewaart), nergens.

(15) Meâ, meer.

(16) 't Schorre, de schor, kweldergrond, gors.

(17) Onderlesten (anderlaatst), onlangs; Gron. anderlesseus.

(18) Bimmen, binnen we, zijn we.

[p. 154]

wouwe de sluus verlegge, ma de Gezworens⁽¹⁾ in de Pennemaêster waere d'er tegen, in wa zu(l)je dan doe, daer is geen praeten tegen, dat weet ji ook we(l). Ma ik e(b) a(l) tegen d'n Diekgraef 'ezeit, me zu 't er nie bie laete zitte, in as ze mien zin doe, dan mommen⁽²⁾ en stik⁽³⁾ opmaeke, in daê mee rondgaê, om d'er op te laête teikenen, in 't dan opstiere⁽⁴⁾ aan Gedippeteerde Staêten.

Aô⁽⁵⁾, joân, 't 'elpt je niemendoâle, j' eit ommes wel 'ezie net as toe de spuipit⁽⁶⁾ uut'ediept in⁽⁷⁾ d' aevende⁽⁸⁾ verleid is. Da 's ook aôlemaele niks, want wat e(bbe) die schippers toch nog en dol⁽⁹⁾ om binne te kommen. Van 't voorjaor most-ik nog ên schuute mit mis⁽¹⁰⁾ kriege, in die kust geên eens aan de koâie komme, in toe e(b) 'k et mit de perrewetkarre⁽¹¹⁾ over 't diekje motte rie⁽¹²⁾, om d'er bie te kommen.

Kwoâ⁽¹³⁾, jaôn, gae noe effen mee in uus, in drienkt een bakje koffie meê, de vrouwe za(l) ze we(l) klaer e(bbe). - Jaô, dat wi(l) 'k we(l) doe, ma 'k wou eèst m'en puupe is stoppe, ku(n) ji vier slaê? - Neè, 'k e(b) m'en tinteltonne nie bie men, ma gae ma mee in de keaete. - Dag, moeije, hoe gaet mit-je? - El, awel, Jewannes-neve, dat zou nog a schikke, ma die piene in m'en been, weet-je. - Zoà, gaô 't nie vooruut, wat zeit den dokter d'er van? - E-jaô, nie veel; fleeweeke⁽¹⁴⁾ bin 'k nog bie zen 'ewist, in toe eit-en men goed⁽¹⁵⁾ 'egee, om mee te smaêren, ma 'k (k)an nie zegge, da(t) 'k er vee(l) baete bie aê, ik dienke dat za(l) motte sliete, ma 't is ma moelik in den oest⁽¹⁶⁾, 'k (k)an op z'en besten den uuzen⁽¹⁷⁾ uut, in de meid kan toch nie aôlles alleene doe.

Alloâ naôm, noe gae 'k 'eene, want 'k mo(t) nog boâten⁽¹⁸⁾ gae wende in vlas gae spreè, dag moeije, dankje voo(r) je bakje koffie, je mot 't ma(a)r is fromme komme haele, oâr! - 'T za(l) we(l) schikke, dag Jewannes, de groetenisse t' uus. - 'K 'oop 't waer te nemen; dag, naôm! - Kwoâ, ik gae nog mee totten 'ekdam⁽¹⁹⁾. - Zoâ, de locht doe ma leèlik in 't zuujen. - Joâ, 't was gisteraêvent ook a(l) zoâ, ma toe is 't weèr op'etrokke, in ik dienke da 't van daege oâk nog we(l) draôge za(l) bluuve, èn goeie vlaêge kust aôrs geen kwaêd; want 't eit noe in èn week of wat strat 'edroâgt, in de kluuten bin zoo art, dat je de stoppels nie omme kun rie. - Gae je over durp? - Jaô. - Gae 't'an is verbie de smid, in zeit tegen z'en, da(t) 'k menoggend om d' huuvewaegen za(l) komme, in da(t) 'k èn scharre meê za(l) brienge om-en te laete verleggen⁽²⁰⁾. - Ik za(l) d'er om dienke. 'T welwezen, naôm! (hij geeft hem de hand.) - Goejen aevent, Jewannes, je vrouwe g'endag!

(1) Gezworens, gezworenen, leden van het polderbestuur.

(2) Mommen, moeten we.

(3) Stik, (geschreven) stuk, request.

(4) Opstiere, opsturen; van de oude tweeklank iu heeft hier de eerste gewoonlijk den tweeden vocaal geassimileerd.

(5) Aô, ach.

(6) Spuipit, grondponip, uitwateringsbuis.

(7) In, en.

(8) Aevende, (h)aven.

(9) Dol, moeite, zorg.

(10) Mis, mest.

(11) Perrewetkarre, wipkar, pirouetkar.

(12) Rie; rijden.

(13) Kwoâ, komaan.

(14) Fleeweeke, verleden week.

(15) Goed, eene zekere stof.

(16) Oest, oogst.

(17) Uuzen, (huis), woonkamer.

(18) Boâten, schooven vlas.

(19) Totten 'ekdam, tot den hekdam.

(20) En scharre verleggen, eene ploegschaar gedeeltelijk vernieuwen.