Versamelde gedigte

[p. 293]

XXI

‘O, bitter-bly
Het ek gestry
Om wat die skoonheid gee, te kry;
En bitter min
Het ek gewin,
Of van sy ryke aar ontgin.’

Wie bitter-bly
Oor skoonheid stry,
Verdien die treurwins wat hy kry;
Wie skoonheid eis
As loonbewys,
Win nooit tot in sy Paradys.

Wie soos 'n kind
Wat, teer bemind,
Die liefde truggee wat hy vind,
Met liefde teer
Die skoonheid eer,
Kry alles wat sy siel begeer.