Versamelde gedigte

[p. 174]

Uit My Oosterse Dagboek

I Gibraltar

Dit is die rots. Die ou pilare

Van Herklaas staan nog vas

Deur al die lang-verslete jare.
Brokkelige gruis op die helling,

En onderkant geil-groen gras.

'n Vestingwerk; 'n gat daaronder

Waardeur die apies dwaal

Om die Spaanse wêreld te bewonder
In Afrikaanse eenvoudigheid,

Al lyk dit ook so vaal.

Dis eers gewin en weer genome.

Wie sal dit eind'lik hou?

Die wêreld-keiserryk van Rome -
Brokkelige ryk van die ou tyd -

Is al jare lang verflou.