Versamelde gedigte

(1980)–C. Louis Leipoldt– rechtenstatus


L O Ligkomeet wat links van Achernar Jou blink vuursabel swaai En jare lank geduldig Rondom die son moet draai! O Ster wat maan speel vir ou Jupiter, Geketting maar nog vry, En as trawant jou plig doen Om lig as loon te kry!
[pagina 108]
O Melkstraat saamgevleg uit silwerdraad Soos wit ryp nuut-gesaai, Wat deur die hemel kronkel Met stukkies ster belaai! O Melkstraat, Ligkomeet, en o Trawant, Verkondig hemelrond Dit wat die donker duister maak Op Golgota se grond!