Dye hystorien ende fabulen van Esopus

§ (149) Dat achtste bewijs vanden scapen ende vanden fabelseggher. |

[fol. M4r]

EEnderhande leerkint hem seer verblidenne int vertellen van vele fabulen oft zagen heeft | begheert van sijnen meester vertrocken oft vertelt te hebben een lange fabule De mees | ter seyde Wacht dat ons niet en ghesciede dat hier voirmaels ghesciet is tusschen | den coninc ende sijnen fabel segger Die discipel oft leerkint seide Lieue meester wilt | [5] segghen wat hem ghesciede Die meester seyde Eenderhande coninc hadde eenen fabel | seggher die telken male als die coninc rusten soude hem vermaecte met viue fabulen | Het ghebuerde in eender nacht dat die coninc met vele sorgen becommert sijnde niet ge | slapen en conste ende begheerde te hooren meer fabulen dan tghewoenliken was. die fa | bel segghere vertrac oft vertelde drie andere fabulen maer seer cort Doen seyde die | [10] coninc ghi hebt zeer corte fabulen vertelt Ic wilde wel een langhe hooren ende daer na | sal ic v laten slapen. Die fabel seggher was dies wel te vreden ende begonst hem te vertel | len dese fabule Het was een lantman die hadde duysent pont in ghelde Dese rey | sende om comanscappen heeft ghecocht twee duysent scapen elc scaep voir een half | pont Hij wederom comende vander marct waren die wateren so groot gheworden dat de | [15] scapen niet en consten ghegaen doer die wateren noch ouer die bruggen Daerom was hij | sorchuoldich sueckende manieren daer mede hi sijn scapen soude mogen bringen ouer | dwater. ten lesten heeft hi gheuonden een cleyn sceepken dat maer een scaep metten lant- | man ende in noode twee en conste ouervueren ende also oic begonst hij die scapen ouer te | setten smaels twee ende twee Dit gheseyt hebbende die fabel seggher begonste te sla | [20] pen Maer die coninc weckende hem vanden slape bat dat hi die fabule voleynden wilde | Die fabel seggher seyde. Heer coninc dit water is groot ende tsceepken cleyne met | ten welcken men en mach maer een oft twee tsmaels ouervueren ende der scapen is een | grote menichte Laet den lantman eerst sijn scapen ouersetten ende daerna sal ic ten eyn- | de brengen die fabule die ic begonst hebbe | [25]