Dye hystorien ende fabulen van Esopus

[fol. M3v]

§ (148) Dat seuenste bewijs vanden dichtere ende vanden bulteneere |

DIe wijse man die leerde sinen sone Als ghi in eenighen dinghen belast sijt | ende ghij v met eenen cleynen dinghe condt verlossen. en wilt gheen ver | treck maken. maer ten eersten dat ghij condt so verlost v. op dat ghij niet meer | [5] belast en wordt Van dien is dit bewijs Eenderhande dichter heeft den coninck | ghepresenteert sekere lyedekens van loue. de coninck willende hem daer af | lonen seyde Wat ghiften eyscht ghij voor uwen loon Hy seyde heer coninck. ic | begheere dat ghij my maect poortyer van uwer stadt een maent lanck met de | ser condicien. dat een yeghelick daer dore lijdende die ghebreck heeft aen sijn | [10] lichaem salbetalen²⁵⁹ voer elck ghebreck eenen penninck. het si van bulte rap- | picheyt ofte scorftheyt. ghebreck van oghen of eenich ander ghebreck dier ghe- | like Die coninck heeft hem dat verleent ende met sinen seghele beseghelt Doen | dese poortier voer die poorte sat doende sijn officie. soe quam daer gaende een | bulteneere eenen stock draghende ende wel ghecapruynt vanden welcken die | [15] poortier heyschte eenen penninck om dat hy een bulteneere was. ende doen hij | dien weygherde heeft die poortier met ghewelde sinen capruyn vanden hoof | de ghetrocken. ende siende dat hij maer een oghe en hadde seyde Nu sult ghi | twee penninghen betalen. want ghij maer een oghe en hebt. ende die weyghe | rende heeft hem die poortier sijn bonette oft mutse vanden hoofde ghetogen | [20] ende heeft ghesien dat hij scorft was. segghende nv sult ghij drye penninghen | betalen. aenghemerct dat ghi gheen twee betalen ende wildet. want ghi scorft sijt. | ende doen hy die met crachte wilde nemen. so woude die bulteneere dat met crach | te wederstaen ende ontdeckende sijn armen es ghebleken dat hi rappich ende see | rich was Die poortier siende die seericheyt seyde dat hij vier penninghen scul- | [25] dich was. ende doen hy die hebben wilde ende die bulteneere die niet gheuen en | wilde. sijn si teghens malcanderen opghestaen ende int worstelen ter eerden | vallende. bleeck dat die bulteneere gheschoert was. daer om heeft hi bedwon- | ghen sijnde moeten betalen vijf penninghen die eenen penninck vredelic niet | gheuen wilde Daer om als ghi valt in cleyn perikel. wilt v daer wt verlossen | [30] op dat ghij niet en valt in meerder perikel oft scade |

259 salbetalen lees: sal betalen.