Dye hystorien ende fabulen van Esopus

§ (150) Die neghenste fabule vanden bouman vanden wolue vanden vosse ende vanden kase |

[fol. M4v]

HEt was een ackerman die sijn ossen nauwelic bewegen oft scicken en conste om | eenich profijt te doen ende recht voirt te gaen metten ploege. totten welcke die ac | kerman dicwil seyde. och oft v die woluen aten want ghi so crommelick voirtgaet. Die | wolf dat hoorende heeft allen den dach gebeit ende ghewacht wanneer datmen hem die os | [5] sen gheuen soude. mer doen den dach verginc sach die wolf dat hi te vergeefs gebeit | ende gewacht hadde. want die ackerman ontbant die ossen vanden ploege ende dreef die | thuyswaert ende seyde totten ackerman O ackerman heden hebt ghi mij dicwil gelooft | te geuen uwe ossen dwelc ghi nv doen sult Dackerman seide met gemeinen woirden heb | ic dat gheloeft dwelc niet en verbint noch ic en sterct niet metter eedt. Die wolf seide. | [10] ghi en sult van hier niet gaen ghi en hout trouwe van uwer geloften Ten lesten doen si had | den ghekeuen sijn lij²⁶⁰ vereenicht om te kiesen eenen arbiter oft rechter. Den rechter soeken | de is hem te gemoet ghecomen een vosken dwelc seide waer gaet ghi henen ende si ver- | trocken oft vertelden den vosse alle tghene datter ghesciet was Die vos seide Te ver | gheefs soect ghi eenen anderen rechter want ic sal dese sake tusschen v beyden alder- | [15] best beslichten ende te neder legghen. mer ic sal ierst elcken van v wat seggen a paert ende bi- | sonder op dat ic te lichteliker v mach vereenigen ende eest dat v behaecht tghenen dat ick | segghe so volghes behaghet v niet so draecht die sake voir den richter. sij consentier | dent. Ende de vos heeft eerst ghesproken den ackerman seggende ghi sult mi gheuen | een hinne ende noch een mijnre ghesellinnen ende ghi sult behouwen v ossen onghescint | [20] Doen die ackerman dat willecoerde ende consenteerde. sprac die vos den wolf op een | sijde ende bijsondere Vrient om uwe voirledenen verdienten heb ic alleen voir v ghe | sproken dat v de lantman voir uwen eysche gheuen soude eenen goeden grooten kase | ende ghi sult laten sijn ossen ongequetst. dat selue consenteerde die wolf Die vos ghe- | boot den ackerman dat hi wech gaen soude metten ossen. ende seide totten wolue ghi sult | [25] met mij gaen ende ic sal v leyden totter plaetsen daer ghi vinden sult eenen wtghelesen sult eenen wtghelesen |

260 lij lees: sij.

[fol. M5r]

kase. ende heeft den wolf gheleyt hier ende daer ouer diuersce plaetsen tot dat de ma | ne was opghegaen ende scheen. ten lesten quam hi aen eenen put ende daerop staende heeft | den wolf ghetoont de rayen vander manen wederscinende ende wederboghende inden | putte. ende seyde Siet vrient den goeden grooten kase daelt daer neder ende haelten Dye | [5] wolf seyde O brueder daelt ghi eerst neder ende eest dat ghi den kase om dat hi groot is | niet ghedragen en cont zo sal ic v hulpen Die vos consenteerdet want hi vol bedrochs | is mer die emmers die daer waren om dwater te putten waren also metter coerden ge | hangen ende ghebonden als doen den eenen op ghinc zo daelde den ander. ende doen dye | vos ghinc in eenen emmer terstont daelde hi neder inden putte bliuende daer een gro | [10] te poose Die wolf seyde Waeromme blijft ghi daer so langhe dat ghi den kase niet en | brengt want hi vermoede datten die vos alleene eten wilde Die vos seyde. Ic en | can den kase mits der grootheyt alleene niet brenghen. maer daelt inden anderen | emmer neder om mij te hulpen Die wolf ingaende want hi swaerder was dan den vos | nederdalende dede hi den anderen emmer metten vosse opgaen vanden welcken die vos | [15] verblijt sijnde doen hi quam aenden mont vanden putte es hi wt ghespronghen ende | wech ghegaen ende heeft den wolf ghelaten inden putte Ende also want de wolf omme | het toecomende goet dat onseker is. ghelaten heeft dat teghenwoirdich ende seker- | der was zo heeft hi den osse metten kase verloren. daerom en wilt niet laten tghe- | ne dat seker is voir tghene dat onseker is |