§ (135) Die .xxi. fabule is vanden lantman ende vanden iongen stiere. |
DIe van quader natueren is verandelt selden bij castijen ghelijc bi deser fabulen | wort bewesen vanden lantman die eenen iongen stier hadde die hi sdaechs niet | ghebinden en conste om dat hi altijt metten hoornen stiet ende sloech. alzoe dat hi hem | [5] daerom die hoornen af saechde meynende dat hijen doen wel ghecastijt hadde maer | als hijen doen meynde te binden zoe sloech hij ende smeet metten voeten ende ontliep | den lantman telken male. zo datten de lantman ten laetsten doen hi die quaetheit | vander beesten niet en sach te benemen de selue beeste den vleeschouwere vercochte. | Aldus dat van quader natueren is ghedijt gheerne ten laetsten tot quaden eynde ge- | [10] lijc oic doen die ionghers die vroegh hem keeren van goeder leeren ende goeden luden |
Auteursrechtelijk beschermd