Dye hystorien ende fabulen van Esopus

§ (108) Die elfste fabule is vanden myerworme ende vanden duyuen die ons leeert²²⁸. | Dat nyement en sal wesen ondancbaer van die weldaden die hij van yemande | [20] ontfanghen heeft Ghelijc alst blijct by deser fabule |

228 leeert lees: leert.

[fol. I3v]

HEt was een mierworme die neder clam op een fonteyne om te drincken Ende also | si drincken wilde soe stortede si neder in die fonteyne Dit aensiende een duyue | die daer bouen sat op eenen boom ende merckende dat dese myerworm verdrencken | moste Soe werp si haer van bouen toe eenen telch vanden boom daer si op sat om | [5] dat si haer seluen alsoe berghen soude Ende dat myerwormken werp haer seluen | opten telghe ende werdt behouden Ende daer na ter stont soe gebuerdet dat daer quam | een falconyer om die duyue te vanghen Dit siende dat wormkijn dat die valkenaer | sijn netten ende laghen stellende was soe begonstet hem te nopen ende te steken aen si- | ne voeten in sulcker manieren dat al smijtende sine voeten inder aerden hij also gro | [10] te gherucht makede dat eer hi sine netten ende laghen legghen ende stellen mochte | ouermits tgheruchte dat hij mitten voeten opter aerden makede. die duyue dat | ghewaer werdt ende vlooch haerre vaerden Ende daer om soe en sal nyemant vergheten | die weldaden die hi van yemande heeft ontfanghen Want ondancbaerheyt een al | te groote ende eene zeer leelijcke sonde is die god bouen alle mishaget |