Dye hystorien ende fabulen van Esopus

[20] § (106) Die neghende fabule is vanden arbeyder of vanden bouman ende vanden breeuoet | een beest also ghehieten die leert Dat die ghene die mitten quaden ende boosen ge | uanghen wert. sal liden alle alsulcke pine daer si mede ghepinicht werden Ghelijc | alst blijct by deser fabulen |

[fol. I2v]

HEt was een bouman of arbeyder die in tyden voerleden sijn netten ende sijn stricken wt | stellede om te vanghen die gansen ende die cranen die sijn koern verderuende ende etende | waren. onder welcke hij oec vinck enen breevoet een beest alsoe ghehieten Die welcke | badt den bouman seggende tot hem Mijn lieue vrient ick bidde dy dattu mij wiltste | [5] laten gaen. want ic en bin gheen craen noch gheen gans. noch en bin oec hier niet gheco | men om di in enighen dinghen te bescadigen of quaet te doen Dit horende die bouman be | gonste daer om te lachen seggende tot hem Hadt sake geweest dat ghi v seluen mitten gansen | ende cranen niet verselt en hadt so en waert ghi in mijn net niet gecomen noc²²⁷ oec geuangen. | mer want ghi mitten cranen ende gansen geuonden sijt ende mit hem gheuangen Soe suldy | [10] ghepinicht werden mit alle alsulcke pine als zij Ende daer om so en sal hem nyemant ver | sellen mitten bosen ende verkeerden Ist sake dat hij mit ghelijcker pinen ende cor- | rexien niet ghepinicht noch ghecorrigeert wesen en wil |

227 noc lees: noch.