HEt was een katte die in een huys quam daer vele ratten waren Die welcke si be | gonste te eten. die een voer ende die ander na. Ende als die ratten die wreetheyt van | der catten werden ghewaer. soe hielden si te samen eenen heymelijcken raet ende sloten | eendrachteliken dat si hem voert aen beneden int huys niet meer houden noch woe | [5] nen en souden. waer af dat een vanden outsten aldusdanighe woerden voort bracht | segghende aldus Mijn gheminde broeders ende lieue vrienden. ghi weet wel dat | wi hebben eenen groten viant die een groot veruolgher van ons is ende van onsen geslach | te Niet te min wij en moghen hem niet wederstaen dan alleen dattet ons van node we | sen sal ons seluen te houden inden hanebalcken also hooch als wij moghen. op dat | [10] hi ons niet ghecrijgen noch vanghen en mach Van welcken woerden die andere te vre | den waren ende gheloueden sinen raedt Ende als die kat desen raedt vanden ratten wiste | ende vernomen hadde. so hinck si haer seluen mitten tween achtersten voeten op een reck | mitten hoofde nederwaert veynsende haer seluen doot te wesen Ende als si aldus han- | ghende was. so sach dat een oude rat ende werdes ghewaer Ende begonste daer zeer | [15] om te lachen seggende tot haer Ha ha vrient waende ic dat ghi doot waert ic sou | de van bouen neder comen Mer ic kenne dy wel also verkeert ende valsch dat ghi dy seluen | ouermits gheueynstheyt gehanghen hebste. om welcke sake ic niet neder clymmen en | wil. mer mij daer bouen houden Ende daer om die ghene die eens van eenen anderen ver | schalct ende bedroghen is gheweest. die sal op een ander tijt hem seluen wachten. |
Auteursrechtelijk beschermd