Dye hystorien ende fabulen van Esopus

[fol. H6v]

§ (101) Die vierde fabule is vander katte ende vanden hoene die ons bewijst Dat die ge | ne die boos is inder natueren. ende heeft begonnen te bedriegen. die wil altijt sijn natuer | lijc ambacht daer af doen. om bedrieghenisse te bedriuen Ghelijc als ghi sien mo | ghet by deser fabulen hier na volghende. |

[5] HEt was een katte die in tyden voerleden greep een hoen. twelc si zeer begonste | te lasteren ende te misprijsen om te vinden eene sake waer by sijt eten mochtte Ende | sprac tot hem in deser manieren Com herwaert du hoen. ghi en doet anders niet dan | snachts te crijten Ende die luyde niet te laten slapen. waer op dat hoen antwoerdede | haer Ic doet om beters wille ende om haer profijt Ende die katte sprac noch ander | [10] werf tot hem Noch doet ghi al meer quaets dat argher is. want du biste een ouer- | speelre. want ghi bekent vleyscheliken die moeder ende die dochter Ende dat hoen dit | horende antwoerdede haer aldus Ic doet om te gheuen eyeren minen meester. | Ende dat om mijns meysters profijts wille. ende om die eyeren te vermenichuou- | dighen. waer om mijn meester my tot minen wille moeder ende dochter ghegheuen heeft | [15] Ende die katte seyde tot hem. voerwaer geuader ghi vint onscults genooch. mer des | niet te min. du moetste liden doer mijn kele. want ic en dencke niet huyden meer | ouermits dine aldusdanighe woerden te vasten. ende si heeft dat hoen ghegheten | Ende aldus ist oec mitten ghenen die van roofgoet ghewoenliken is te lenen²²³ want hij | en machs niet laten noch hem daer af abstineren ende al ist onrecht. hi vijnt altijt een sa- | [20] ke om andere te bescadighen |

223 lenen lees: leuen.