Dye hystorien ende fabulen van Esopus

§ (100) Die derde fabule die welcke is vanden vos reynaerdt ende vanden bock die | leert Dat die ghene die wijs is ende vroet. sal altijt eerst ouersien dat eynde eer hy | dat werck doet ende beghint Ghelijck als ons vertelt dese fabule. |

[fol. H6r]

HEt was een vos reynaerdt ende enen bock die in tyden voerleden in eenen | putte neder clommen om te drincken Ende als si wel ghedroncken hadden ende | versaet waren ende si wt den seluen put niet weder om wtspringhen en mochten. | soe seyde die vos totten bock in deser manieren Mijn lieue vrient in dien ghi mij | [5] helpen wilt soe sullen wi wel ter stont wt desen put comen. want ist sake dat ghij | op uwe twee afterste voeten stueren wilt Ende heffen uwe twee voerste voeten | teghens die muer om hooch so sal ic springhen op dine scouderen Ende op dine | schoone hoornen ende also ten lesten wtspringhen Ende als ic wt den put wesen sal | soe suldy mij houden aen mijn handen Ende alsoe sal ic dy dan wtwerpen Ende | [10] mit deser bede was die bock te vreden Ende mettien so ghinc den bock staen op | sijn twee achterste voeten Ende die vos ouermits sine groote boosheyt dede also | veel dat hij wt den putte spranck Ende als hi daer wt was soe begonste hi den | bock aen te sien die noch inden putte was. Ende die bock seyde tot hem Helpt | mij nv weder om ghelijc ghi mij ghelouet hebt Ende die vos begonste daer om | [15] te lachen ende mitten bock te spotten segghende tot hem Ha meyster bock had- | det saeck gheweest dat ghi wijs hadt gheweest. du soutste selue alre eerst ouer- | leyt hebben. hoe ende in wat manieren du wt den putte hadste moghen comen eer | ghi mij hadt wt gheholpen Ende daer om die ghene die wijs is ist dat sake dat | hi wijslicken doen ende wercken wil soe sal hi alre eerst dat eynde van sinen werc- | [20] ke besien ende ouerlegghen eer hijt beghinnen sal. daer of een goede leere ghescre | uen is aldus sprekende. wat ghi doet dat doet wijslick ende aensiet dat eynde |