Dye hystorien ende fabulen van Esopus

[20] § (85) Die vijfste fabule is v anden²⁰⁹ vos reynaerdt ende vander Catten Men vint ve | le menschen die hem seluen zeer wijs ende subtijl vermeten te wesen die nochtans gro | te sotten ende dasaerts zijn Ghelijck als dese navolghende fabule vertelt |

209 v anden lees: vanden.

[fol. F3v]

HEt was in tijden voerleden een vos reynaerdt die een katte ghemoete- | de haer toesprekende aldus Mijn lieue gheuader god gheue v goeden | dach Ende die katte antwoerdede hem Mijn lieue heer God verleen v een sa | lich leuen Ende ter stont soe vraghede reynaerdt der katten aldus Mijn lieue | [5] gheuader. wat kondt ghij maken Ende die katte antwoerdede hem Ic kan een | weynich springhens Ende die vos seyde Voerwaer ghi en sijt niet waerdich dat | ghij leuen sult om dat ghij niet bedryuen noch doen en kondt Ende want die kat | dit hoorende haer veronwaerdichde van die woerden vanden vos Soe vrage | de si hem weder om in deser manieren Ende du mijn lieue gheuader. wat constu | [10] doen Duysent abelheyden ende consten sprack reynaerdt. want ic hebbe vol enen | sack van konsten Ende daer toe ben ick soe grooten clerck dat mij nyemant sca | den beletten noch verscalcken en mach Ende als dese twee aldus te samen spra | ken Soe ghebuerdet dat die katte van verres sach comen eenen man te paer- | de leydende met hem een deel honden Die welcke tot reynaerdt sprack aldus | [15] Mijn lieue gheuader ick sie hier comen eenen man te paerde die voer hem brengt | een groot deel honden. Die welcke alsoe ghij weet ons oude ende dootlijcke | vianden sijn Ende doe antwoerdede haer die vos Mijn lieue gheuader ghi hebt | ghesproken als een die veruaert is. daer en leyt niet aen laetse ons comen Ende | en weest niet veruaert Ende ter stont als die honden den vos ende der katten | [20] worden ghewaer soe begonden si op hem beyden te loopen. Ende als die vos | dit sach Soe sprack hij totter katten Laet ons wech vlyen ende gaen lopen Ende | die katte antwoerdede. voerwaer gheuader. ten is van ghenen node. Niet te | min die vos en ghelouede der katten niet ende begonste te vlyen om hem seluen | te bescudden Ende die katte spranck op eenen boom ende bescuddede haer sel | [25] uen segghende aldus Nu selen wij wel sien wie best van ons beyden spelen sal | om hem seluen te bescudden Ende als die katte was opten boom soe sach si na | den vos. den welcken die honden ghegrepen ende vast houdende waren Ende | seyde Ha mijn lieue gheuader reynaerdt. ontbint nv dijn sack vol van alle dijne | duysent consten die du weetste wilter nv eene bewijsen. het sal dy wel van node | [30] wesen want ghij noch verre vander wildernisse sijt Ende die honden die den vos | ghegrepen hadden die dooden hem Ende aldus wert reynaerdt die vos ghe- | dodet ende die katte behouden Ende daer om soe en selen die wijse die simpe- | le niet mysprijsen. want die sommighe bywijlen hem vermeet te wesen zeer wijs | ende vroet. die nochtans zeer sot is ende gheen wijsheyt en doet |