Dye hystorien ende fabulen van Esopus

§ (84) Die vierde fabule is vanden draeck ende vanden villayn dorpman ofte boer Men | en sal niet gheuen quaet voer goet Ende die ghene die eenen behulpelijcken sijn | en salmen niet bescadighen Ghelijck als vertelt dese navolghende fabule |

[10] HEt was een draeck die in een water was Ende alse die ryuiere van twater af ge | lopen was soe bleef hi ligghende drooch opten oeuer Ende ouermits ghebrec | van water en mocht hi hem niet verroeren Ende als aldaer een arbeyder voer by lijden | de was So sprac hi den draeck toe hem vraghende aldus Wat doetstu daer Ende die | draeck seyde tot hem Ic ben al hier gebleuen sonder water sonder welc ic mi niet verroe | [15] ren en mach Mer eest sake dat ghi mi wilt bijnden ende leggen op dinen ezel mi brengen | de weder om op mijn ryuiere Ic sal dy gheuen gout ende siluer met groter ouervloe | dicheyt Ende die boerman als hi dit hoorde ouermits der begheerlicheyt wille soe | bant hi den draec op sinen ezel ende bracht hem weder om op sine eyghen plecke Ende als | hi hem weder om ontbonden hadde soe eysschede hi sijn loon Ende die draeck sprack | [20] tot hem Om dattu my ghebonden hebste soe eysschet ghi loon van mij te hebben | ende betaelt te werden Ende om dat ic groten hongher hebbe soe wil ic dy ter stont eten | Ende die boerman antwoerde hem Omme dat ic dy goet hebbe ghedaen soe | isset dat ghij my eten wilt. Ende als sij onder hem beyden aldus twystende |

[fol. F3r]

waren. reynaerdt die vos die int bosch was ende hoerde desen twist quam tot hem | ende sprac hem toe in deser manyeren En wilt niet meer kyuen met malcande | ren want ic wil v beyden vereenighen Segt my elcke van v beyden uwe rede- | ne ende die sake waer om ghi twystende sijt om te weten wie van u beyden recht ende | [5] reden heeft Ende als een yeghelijck sine sake gheseyt hadde So sprack die vos | totten boerman aldus. Wijst my hoe dat ghi den draeck ghebonden hadt op | dat ic daer af te bat oerdelen mach Ende die boerman nam den draeck ende bant hem | weder om leggende opten Ezel ghelijck hi te voren ghedaen hadde Ende die | vos vraghende den draeck Hadde dy dese boerman aldus zeer gebonden als | [10] ghi nv ghebonden sijt Ende die draeck antwoerdede hem Ia hy mijn lieue heer ende | noch veel harder Ende die vos seyde totten boerman aldus Bijnt hem noch veel | styuer toe. want die wel bijnt wel ontbijndt Ende als hi den draeck wel weder om | ghebonden hadde. doe sprack die vos teghens hem Gae heen ende draecht | hem daer ghy hem eerstwerf ghenomen hebt Ende settet hem ter neder alsoe ghe | [15] bonden ghelijck hij is Ende ick gheloue v dat hij v dan niet eten en sal. want wie | quaet doet quaet hem ghemoet Ende het is wel recht datse rechtuerdelijcken | van gode ghepinicht werden die den armen ende den simpelen menschen be- | scadelijcken sijn. want soe wie gheeft quaet voer goet. het is wel recht dat hi recht | ueerdich loon daer voer ontfanghende sij |