Dye hystorien ende fabulen van Esopus

[35] § (86) Die seste fabule is vanden wolf ende vanden bock die ons leert | Dat die crancke ende ommachtighe hem seluen niet steken en | sal noch wapenen teghens sijn ouerhooft ende sijnen machti | gher Ghelijck als vertelt dese navolghede fabule |

[fol. F4r]

HEt was een wolf die in tijden voerleden na eenen bock loopende was Ende | die bock om hem seluen te bescudden spranck op een roetse van eenen berghe | den welcken die wolf belach ende besinghelde also dat die bock daer niet af comen | en mochte Ende als si beyde den tijt van twee of te drie daghen aldaer hadden ge | [5] weest Soe wast dat die wolf begonster hongher te crijgehen ende die bock hadde | dorst Ende aldus soe ghinck die wolf eten. ende die bock drincken Ende als die bock | drinckende was soe sach hi sinen Schym in die fonteyne Ende hem int water spie | ghelende seyde in hem seluen aldusdanighe woerden Du hebste also scoene bee | nen soe ouerschoenen baert Ende soe suuerlijcke hoornen Ende hebt ghi vreese voer | [10] den wolue Peynset in dien hij weder om comt dat ghi hem wel wt richten sult ende | sult hem wel wachten dat hi gheene machte ouer dy hebben en sal Ende die wolf daer | omtrent wesende die welcke al stille sweech ende hoorde sine woerden. greep hem | bij den beenen segghende aldus Wat woerden sijn die ghene die ghij segghet | mijn lieue broeder bock Ende als die bock sach dat hy gheuanghen was seyde tot | [15] hem O mijn lieue heer ic en segghe niet Ende hebt medelijden met mij. want ic beken | ne dattet mijn scult is Ende die wolf greep den bock ende worchden Ende daer om soe | ist grote dwaesheyt als die minder tegens sijn ouerhooft hem steken ende wapenen wil. |