Dye hystorien ende fabulen van Esopus

§ (73) Die derthiende fabule is vanden ziecken Ezel ende vanden wolue Nemmermeer en salmen eenighen boosen ofte quaden mensch eenich gheloue toe scriuen Ghelijck alsmen zien mach by deser fabulen

[fol. E4r]

HEt was een wolf die welck eenen ziecken Ezel vandende was den welcken | hi begonste te tasten vraghende aldus Mijn lieue broeder waer doetet dy | wee Ende die Ezel seyde hem. daer du my tastes Ende die wolf die manier makende | of hi hem hadde willen vertroosten ende visiteren begonste den Ezel te drucken ende te per | [5] sen ter doot toe ende daer na te eten Ende daer om en salmen inden flatterers gheene | gheloue setten want si segghen dicwijlen goet metten monde Ende draghen int | herte eenen valschen gront |