§ (74) Die vierthiende fabule is vanden bock ende van drye cleyn bocxkijns Ten is niet behoerlijcken dat die minste sinen meerder bespotten sal Waer af dat Ezo- | [10] pus vertelt eene aldusdanighe fabule. |
HEt waren drye cleyne ionghe bocxkijns die enen ouden groten bock bespotte | den om dat hi voer den wolf voer lopende was Ende als hi vernam dat si met | hem spottende waren seyde hi tot hem Ha arme sotten ghi en weet niet waer om dat | ick voerlope. want waert sake dat ghijt wiste ghi en soudt met mij niet ghecken | [15] mer met meerder naersticheyt voerlopen Ende met desen woerden spranc hy ouer | dat velt ende doe die wolf den ouden bock niet crighen en conde so sach hi daer gaen | die ionghe bocxkijns die welcke hi anvaerde ende adtse Ende hier om alsmen siet dat | die meerder in laste ende in vreesen is soe sal die minder medelijden mit hem hebben | ende hem bystant doen. want als die goede steden ouermits auentuere van oerloghe | [20] verdoruen ende inne ghenomen sijn. dat platte lant daer omtrent en is daer af dan | niet meer versekert. mer sal beuen ende in vreese hebben ghelijck men dicwijl onder | uonden heeft. |
Auteursrechtelijk beschermd