HEt was eene onnosele beeste die viel in eenen gracht ende als dat sach een | ackerman verboot hy huerer vele dat si haer ymmers niet en misdaden. | alsoe dat die sommighe van hem haer broot toe werpen ende sommighe waren | zeere droeuich omme der beesten mysual. Mer alsoe die lyede menigherleyde | [5] sijn. soe waren daer weder eenighe die die beeste sloeghen enighe die daer mede | loeghen ende oeck eenighe diese beclaechden segghende dat sij doch nyeman | de arch noch quaet ghedaen en hadde Ende ghenakende den auont als si alle | thuyswaert ghinghen ende meynden dat die beeste daer snachts ghestoruen | soude hebben soe halp haer seluen die beeste daer vte ende pijnde haer tot ho | [10] ren legher waert te comen Seer corts daer nae als si haers leyts ghedencken | de wart soe ghinck sij wederom ter voerseyder plaetsen ende quellede al daer | die beesten veriaechde de herden ende dede den ackerlieden grooten oploop | scheyndende ende verderuende dat selue dat si daer vant Also dat si allegader | om hoer leuen te behouden allendichlijck baden. Ende die beeste antwoerde | [15] goedertierlijck Ick en ben niet weder ghecomen om archeyt te doene yeman | de vanden ghenen die mij broot gauen ende gheen quaet en bewesen. mer ick ben | ghecomen om mij te wreken op die ghene die mij sloeghen werpen ende doden | wouden |
Auteursrechtelijk beschermd
