HEt was een wolf die voer die iaghers voerloopende was Ende int voerlopen | soe ghemoetede hi enen herde den welcken hi toesprack segghende aldus | Mijn zeer lieue ende bysonder gheminde vrient Ic bidde dij dattu niet segghen en | wiltste den ghenen die mi volghen werwaert dat ick ghebleuen ben Ende die her | [5] de seyde tot hem En hebbe gheen vreese noch sorghe want ic di niet wijsen en sal Ende | als die iagher quam so vraechde hi den herde oft hi aldaer niet ghesien noch ver | nomen en hadden eenen wolf passeren Ende die herde dit hoorende metten oghen | ende metten hoofde wijsede den iagher die stede daer die wolf inne ghescolen ende | ghelopen was. mer metter hant ende metter tonghe hy contrarye wijsende was. | [10] Ende ter stont verstondet die iagher Mer die wolf vernemende ende ouermercken | de die beueynstheyt vanden herde liep heen sijnre vaerden Daer nae een weynich | tijts soe ghebuerdet dat dese selue herde den wolf ghemoetede. den welcken | hij toe sprack segghende aldus Betaelt mij van dat ghene dat ic v tot anderen | tyden soe wel bewaert ende v lijf bescuddet hebbe Ende die wolf seyde hem Ic danc- | [15] ke daer af dijne tonghe ende dijne handen ende niet dijnen hoofde noch dijnen oghen | aen den welcken het niet ghehouden en heeft dat ic niet gheuanghen en ben ge | weest Ende daer om en salmen gheen gheloue setten inden mensch twee aensichten ende | twee tonghen hebbende die welcke ghelijcken den scorpioen die metter tonghen | is leckende ende metten sterte stekende. |
Auteursrechtelijk beschermd
