§ (62) Die anderde fabule is vanden ouden hermelkijn ende vander rat die leert | Dat subtijlkeyt verstant ende behendicheyt is dicwijlen veel beter. dan grote starc | heyt Waer af dat Ezopus vertelt eene aldusdanighe fabule. |
HEt was een hermelkijn dat zeere out van iaren was dat welck die ratten | [5] niet meer vanghen en mochte Niet te min want si dicwijlen van grooten | hongher verdrucket wert. So ymagineerde si ende peynsende in haer seluen dat | si haer int meel al heymelijck weyntelen ende houden soude om die ratten alsoe | te vanghen ende alsoe haer herte te lauen ende haren buyck te vullen Ende als | die ratten int meel quamen om dat te eten soe greepse dat hermelkijn ende atse | [10] deen voer ende dander na Ende alst ghebuerde dat een oude rat die boosheyt ende | valscheyt van desen hermelkijn ghewaer wert ende vernam seyde tot haer seluen | voerwaer gheseyt Ick sal mij voer uwe claeuwen wel wachten. want ic beken- | ne wel dijne valscheyt ende daer om te vallen in dijne handen sal ick mij seluen | wel wachten Dese fabule bewijst ons dat die ghene zeer wijs is die die valscheyt | [15] ende boosheyt der quaden ouermits subtijlheyt ende verstant Ende niet ouermits ghe | welt ende crachte ontgaen ende ontloopen mach |
Auteursrechtelijk beschermd