§ (61) Die eerste fabule is vanden vos reynaerdt ende van die druyuen Die ghenen en | is niet wijs die begheert te hebben eenich dinck dat hem niet werden en mach | Waer af dat Ezopus vertelt eene aldusdanighe fabule |
HEt was een vos reynaerdt die zeer scone druyuen hanghende aen eenen wijn | gaert met begheerten aensiende was. die welcke hy gheerne ghegeten hadde | Ende als hi sach dat hijse in gheenre handen manyeren ghecrijghen en conde soe ver- | keerde hi sine droefheyt in blijscappen segghende aldus Dese druyuen sijn soe suer | al waert by also dat icse hebben mochte ic en soudese nochtans niet willen eten Ende | daer om bewijst ons dese fabule dat die ghene wijs is die hem veynst enich dinck | [10] niet te begheeren dat hem niet ghebueren noch worden en mach. al ist nochtans | dat hij daer sonderlinghe begheerte toe heeft |
Auteursrechtelijk beschermd