Dye hystorien ende fabulen van Esopus (2013)

Dye hystorien ende fabulen van Esopus

(2013)–Gheraert Leeu– rechtenstatus

Auteursrechtelijk beschermd

Vorige Volgende



[Folio D3r]
§ (60) Die twintichste fabule is vanden leeuwe ende van sijnre valscher conuersacyen \| ofte verkeeringhe Te hebben conuersacye metten ghenen die boes ende quaet \| van leuen sijn is een dinck dat zeer sorghelijcken ende scadelijcken is. want al- \| leen dat spreken met alsulcdanighen. bywijlen den mensche in grooten laste bren \| [5] ghet. mer oeck dat swijghen is torment Waer af dat Ezopus vertelt eene al- \| dusdanighe fabule. \| HEt was een leeu die seer stout ende machtich was die welcke om te heb- \| ben enen groten naem ende oeck mede glorie hem seluen Coninck makede \| Waer om dit aldus ghedaen sijnde. soe verwandelde hy doe sijn oude quade \| [10] ghewoente bewijsende hem oetmoedich ende huesch Sweerende oeck mede \| ende belouende dat hi voert aen gheen vanden beesten niet quetsen noch scade \| lijck en soude Mer soudese bewaren ende beschermen teghens alle haer \| vianden ende mede teghens allen den ghenen die hem quaet doen wilden oft \| deeren souden moghen Ende van deser beloeffenisse soe beroude hem zeer want \| [15] het is een yeghelijck zeer commerlijck tot elcker vre te verwandelen sijn proper \| eyghen natuere Ende daer om doe hij hongher hadde soe was hy verbeydende \| enighe vanden beesten in eene heymelijck stede om dat hijse bedrieghen moch \| te hem vraghende ofte sijnen adem stinckende was ofte niet Ende die ghene die \| seyden dat sinen adem ofte mont stanck. ofte die seyden dat si wel roeck ende niet \| [20] en stanck Ende die ghene die daer stille zweghen ende niet en seyden die verschoer \| de hi alle ende deedse steruen hoe si hem quamen Dit aldus ghedaen sijnde So ghe \| buerdet dat hi begheerde te hebben die Apynne om haer te vraghen ofte harenGa naar voetnoot194 \| adem stinckende was ofte niet Ende die Apynne antwoerde hem dat harenGa naar voetnoot195 adem \| niet en stoncke Mer als goeden ende fijnen balsame wel ruyckende was. Dit \|
[Folio D3v]
hoorende die leeuwe scaemde hem dat hi die Apynne doden soude Mer vant \| in hem seluen eene valscheyt ofte cloecheyt hoe ende in wat manyeren hijse dooden \| soude moghen Ende veynsde hem ziec te wesen Ende dede doe tot hem comen meyste \| ren ende doctoren inder medicijnen Ende als dese meysteren ghecomen waren so \| [5] dede hij hem sijn water ende vrijne besien Ende als sijt wel hadden besien Soe sey \| den si hem aldus Lieue ende zeer doerluchtighe heere. waert dy also dat ghij om te \| eten mochtet ghecrijghen eenighe spijse ghij soudet ter stont ghesont ende \| ghenesen wesen Ende die leeu seyde Heylaes ic soude alte gheerne eten van eenre \| Apynne Voerwaer seyde die medicus. dat is een zeer goede spijse ende lichte \| [10] Ende want ghij een Coninc sijt so ist alte samen tot uwen ghebode. Doe gheboet \| die leeuwe datmen die Apynne voertbrenghen ende halen soude Ende niet teghen \| staende tgoet dat si vanden Coninck gheseyt hadde ende ghesproken Nochtans \| dedese die coninck dooden ende atse Ende daer om ist een zeer sorghelijck dinck on \| der tgheselscap van eenen wreeden tyranne te wesen. want ist goet ist quaet hy \| [15] wilt al verslijnden ende eten hoe dattet gaet Ende hij is wel geluckich by daghe ende \| by nachte die der tyrannen handen ende quaet gheselscap ontlopen ende scuwen mach \|	voetnoot194 haren lees: sinen. voetnoot195 haren lees: sinen.

Vorige Volgende