§ (51) Die elfste fabule is Een goet vader behoert toe. sinen sone te castyen terwij | len dat hij ionc is ende niet in sijnre outheyt want alsdan te castyen bywijlen te | sorghelijc is ende te spade Waer af dat Ezopus vertelt eene aldusdanighe fabule. |
HEt was een vader des huysghesins die welcke eenen sone hadde die niet en | [5] dede als hi doen soude Ende en dede anders niet dan gaen ende loopen bider | straten Ende die vader sloech die dyenaren voer die mysdaden sijns soens hem | vertellende aldusdanighe fabule van eenen arbeyder ofte bouman die bijnden | wilde ende bant te samen een ionc Stier ende eenen os Ende die styer en woude hem | niet laten bijnden mer hy sloech seer onaerdichliken metten claeuwen ende met- | [10] ten hoornen Ende hi aldus ghebonden was Soe sprack tot hem die bouman al- | dus Ic en hebbe v niet te samen gheuoecht ende ghebonden op dat ghi arbeyden | soudt Mer ic wil dat die minre. te weten die Stier of dat calf gheleert werde ende | ghecorigeert vanden meerre. te weten vanden os. wanttet my van node is dese | twee te gader te bijnden op dat die Stier die welck boes dul arch ende ionc is nye | [15] mant en stote noch smijte daer my eenighe scade af comen mochte Mer om | dat ic weet datten die os wel corrigeren sal soe eest dat icse te gader ghebonden | hebbe. Ende hier om soe leert ende bewijst ons dese fabule dat die vader sinen sone | sal leeren ende wijsen goede exempelen ende leeringhe ende hem castyen ter wijlen dat hy | ionc is. want die sijn kinder wel bemint. die castijtse gheerne wel alst tijt is |
Auteursrechtelijk beschermd