Dye hystorien ende fabulen van Esopus

[20] § (52) Die twalefste fabule die welcke is vanden Serpent ende vander vylen die ons | bewijst Dat die quade sijn argher niet en quetset noch die boose sinen boser niet | bouen en gaet noch die herde sijn herder of wreeder niet aen en hanghet |

[fol. C5r]

IN tijden voerleden was een Serpent dat welcke ghinck in die Smisse van | eenen smyt om te soeken oft si daer yet vinden mochte dat si soude moghen | eten Soe ghebuerdet dat si aldaer vant eene vyle die welcke si begonste te byten | ende te knaghen Ende die vyle seyde tot haer Al ist al alsoe dat ghij my bijten- | [5] de ende knaghende sijt ghij en moecht my nochtans gheen quaet noch letsel | doen. Mer mij knaghende ende bijtende sijt ghi v seluen quetsende. want met | my wert alle yser ende stael gheuijlt ende ghequetst Ende daer om sijdi wel sot | ende dwaes dat ghij my aldus knaghende sijt. want ic segghe dy dat die een qua | de eenen anderen boser ende quader niet letten noch bescadighen en mach. noch | [10] oeck herdt teghens herdt en sullen malcanderen niet quetsen. Ende daer om | soe ist dat die een machtighe sal beminnen dat ghene dat oec sterck ende machtich | is Ende nyemant en sal hem steken teghens den ghenen die machtigher is dan hy |