§ (50) Die thiende fabule is van eenen lichten wyue Die leert ons datmen niet lich | [15] telijck yemants scoen woerden ghelouen en sal. ende sonderlinghe der vrouwen | Waer af dat Ezopus vertelt eene aldusdanighe fabule |
EEn licht wijf die zeer ongestadich ende onghetrouwe was sprac tot enen ionghe | linghe dien si dicke veronghelijct ende een trap ontelt hadde aldus Al eest dat mij | vele mans volghen met ghiften of gauen so heb ic v lieuer sonder ghiften bouen yemen | [20] de die daer leeft opter aerden. daer op die iongelinc haer antwoerde gedenckende | des ongelijcx dat si dicke gedaen hadde dat hi haer weder zeere hertelijc lief hadde | ende stoffeerdese mit sconen woerden Ende elc looch den anderen Bijden welcken Ezopus | wilt doen verstaen datmen den loghenaer met eenre loghenen wel weder beta | len mach hoe wel die onnosele daer by dicwijlen ghestrict worden ende bedroghen. |
Auteursrechtelijk beschermd