Dye hystorien ende fabulen van Esopus

§ (49) Die neghende fabule die welcke is vanden ridder ende vander vrouwen we | duwe Die vrouwe is grootelijcken te prijsen die sonder blame ende begrijp leuet | in deser werlt Waer af dat Ezopus vertelt eene aldusdanighe fabule |

HEt was een man ende sijn huysvrouwe dier malcanderen zeer vter maten lief | hadden ende beminnende waren Nu ghebuerdet dat ouermits die doot die | welcke wij alle gader lijden ende passeren moeten Die goede man van aertrijcke | verscheyde ende starf Ende alsmen hem begrauen soude soe bedreef sijn huysvrouwe | zeer grooten rouwe bitterlijck weenende screyende ende crijtende seer droeffelijc | [15] ken ghebarende Ende als hi begrauen was Nam si haer woenstad ende maecte een | cleen husekijn by sijn graf om hem daer te bliuen bescreyende So ghebuerdet dat | ter doen een bijden gherechte om sijnre misdaet wille ghehanghen wart Ende ge | hanghen sijnde wert hi beuolen eenen ridder te bewaren op dat hi niet bij nachte | vanden sinen ghenomen ende af ghehaelt en soude worden Ende als hi hem aldus | [20] bewaerde soe ghecreech die ridder grooten dorst alsoe dat hi mids dien ghinck | totten huysken ende woenstede van deser vrouwen Ende badt haer om een luttel waters | dwelcke si hem gheerne dede Ende ghedroncken hebbende sach hi ter vrouwen waert | ende begonste aen te spreken te troesten in hueren lijden met sueten woerden. dat |

[fol. C4r]

dede hij noch anderweruen ende derde weruen ende alsoe dicwijl dat hem ghenomen wert | vander galghen die misdadighe die daer ghehanghen was ende hem beuolen te be- | waren Ende als hi des ghewaer wart is hi ghelopen ter weduwen voernoemt | zeere bedruct ende bedroeft ende heeft gheclaecht hoe hem die Coninck dien mis | [5] dadighen beuolen hadde te bewaren ende dat hi hem ghenomen was hem beduchten | de dat hi vanden Coninck daer om soude moeten steruen Dit aenhorende die | weduwe sprac si ter stont Ic weet v raet om v lijf te behouden. hier leyt mijn man | die doot is dien sellen wij weder in die stede hanghen Ende eersgancs sloech si ho | ren man vter kysten ende begonsten te knopen ende te bijnden ende halpen den ridder | [10] hanghen in die stede vanden dyeue dier ghehanghen was verghetende alre lief | den die si oyt tot hem ghedraghen hadde bijder nyeuwer liefden die si soe corts aen | den ridder gheleyt hadde ende beghinck alsoe twee scanden. sij die te voren suuer | ende eerbaer gheheeten was |