Dye hystorien ende fabulen van Esopus

[10] § (48) Die achtste fabule is van Iuno ende van venus die afgoddinnen ende vanden | anderen vrouwen die ons leert Dat voer die goden ende voer die goddinnen sal | men altijt die duechde der reynicheyt zeer louen ende prijsen. want het is een wijf | een eerlijc dinck als dat si haer met eenen man laet ghenoeghen Waer af dat | Ezopus vertelt eene aldusdanighe fabule. |

HEt was een mensche die om hem met vreuchden te vermaken ende om der | tijt corttinghe wil dat kakelen vanden hinnen beduyden wilde Ende vraghe | de eenre hinnen die hi in sijn huys hadde waer om dat sij altijt achterwaert scar- | rede daer si nochtans koerns ghenoech by haer hadde na haren appetite Welc | ke antwoerde ic op dese tijt ter eeren van alle vrouwen zwijghen wil ende niet meer | [20] daer af segghen wil. want die wijse ende vroede die desen teghenwoerdighen boec | dicwijl ghesien hebben ende ghelesen. hebben dese materie wel verstaen also dat- | tet gheen noot en is een yeghelijck dit te openbaren. want het is eerliken ende be- |

[fol. C3v]

tamelijcken allen menschen dat si sullen bewaren die eere van alle vrouwen. | Ende oeck mede daer toe verbonden sijn die selue vrouwen in eeren te houden | op alle steden ende plecken daert moghelijcken ende van doen wesen sal Soe en | willen wi op dese teghenwoerdighe tijt van deser materien niet voerder spreken | [5] Ende latense inden latijne voer die Clercken ende die wijsen die haren tijt onledich | sullen willen maken om te studeren die glose vanden boeck van Ezopus voergenoemt. |