Dye hystorien ende fabulen van Esopus

§ (46) Die seste fabule is vanden vos reynaerdt ende vanden wolf die ons leert | Dat die fortuyne oft auentuere helpet den goeden ende den quaden Ende den ghe | nen diese niet en helpt die heeft si teghens haer haet ende niet Ende die ghene die | teghens der auentueren haet ende niet hebben haer scalcheyt ende boosheyt die | [10] keerse om ende verderfse Waer af dat Ezopus vertelt ene aldusdanighe fabule |

HEt was een wolf die enen grooten roof ouer langhe tijden vergadert had | de om dat hi daer leckerlijcken af eten wilde Dit merckende die vos hadde | daer op groten haet ende nijt ende om te rapen ende ghecrijghen vanden seluen | roof so quam hi in dat hol vanden wolue hem toe sprekende aldus Lieue gheua | [15] der wolf om dattet is langhe tijt dat ic v niet ghesien en hebbe Soe eest dat ick | ben in grooten lijden verdryet ende bedruckenisse Ende oec daer om oeck mede | dattet langhe gheleden is dat wij te samen niet gheiaecht en hebben Ende als die | wolf die valscheyt vanden vos reynaerdt bekennende was Soe seyde hi totten | vos aldus Du en biste niet ghecomen tot mij om mij te vanden ende te vertroosten. | [20] mer om tmijn te stelen ende te beroouen Om welcke woerden die vos reynaerdt | zeer toornich wert Ende ghinck tot enen herde in deser manyeren hem segghen | de In dien ghij nv op dese tijt v ouer den wolf dijn viant wreken wilt soe wil ic |

[fol. C2v]

hem van desen daghe dy noch leueren in dijnen handen Ende die herde seyde | tot hem Eest sake dat ghi dat doet ic saelt dy wel betalen Ende doe wijsdede die | vos reynaerdt den herde dat hollekijn daer die wolf inne was. Ende die herde | ghinc ter stont aldaer ende stacken doot met eenre speeren Ende in alsulcker manye | [5] ren wert reynaerdt van eens anders goet veruult ende wel sadt ghemaect Maer | als hij weder om wt den holle quam soe wert hi gheuanghen vanden honden | ende verschoert. waer om hij doe sprack in hem seluen aldus Want ic quaet ende vals- | heyt ghedaen ende bedreuen hebbe soe eest dat mij quaet ghemoetende is. want | die sonde keert altijt weder om inden schoot sijns meesters diese ghedaen heeft. | [10] Ende oeck mede die ghene die rooft ofte steelt sal weder om beroeft werden. | al hoe nauwe datment heelt:¹⁸⁷ |

187 heelt: lees heelt..