Dye hystorien ende fabulen van Esopus

§ (45) Die vijfste fabule is vanden nachtegael ende vanden sperwaer die ons leeren | Dat die ghene die die arme ende onnosele verdrucken ende onder die voeten treden | [10] die hebben gheerne een quaet eynde ende varen vuylijcken Waer af dat Ezopus | vertelt eene aldusdanighe fabule |

HEt was een Sperwaer die hem seluen stellede inden neste van eenen nachtega | le daer hij vant die cleyne ionghen vanden voerghenoemden nachtegael | Ende die nachtegael quam daer na ter stont ter wijlen dat die sparwaer inden neste | [15] was segghende tot hem. ick bidde v alsoe vriendelijcken als ic mach dat ghij v | doch ouer mijne ionghe kuyckijns ontfermen wilt Ende die Sperwaer antwoer- | de hem Eest sake dat ghij my te vreden wilt stellen ende versoenen Soe moet | ghij my singhen een liedekijn suetelijcken na mijnre ghenoechten ende dan sal ic | doen dat ghene dat v belieuen sal Dit hoorende die nachtegael begonste te sin | [20] ghen niet wt vryer herten. mer alleen wt der kelen. want hi van druck ende van rouwe | veruult was Ende die Sparwaer seyde hem Desen sanck en behaghet mij niet Ende | greep een vanden ionghen kuyckijns ende verslondet Ende als die Sparwaer |

[fol. C2r]

¹⁸⁶

dat kuyckijn etende was quam aldaer een iagher die welck een net werp ouer den | sparwaer Ende als hy meynde wech te vlyeghen soe en vermochte hi des niet | mer wert gheuanghen Ende daer om soe is hi weerdich te hebben een quaet | eynde Die die onnoselen verdruct ende schent Ghelijck als dede Chaym die si | [5] nen broeder Abel doode |

186 Signatuur Aij moet zijn Cij. De A is doorgehaald, links van de doorgehaalde A staat met rode rode inkt geschreven C.