Dye hystorien ende fabulen van Esopus
(2013)–Gheraert Leeu–
Auteursrechtelijk beschermd
[Folio B3r]
| |
 IN voerleden tyden hadden die wyerworm ende die vlyeghe onder mal | canderen grooten twist om te weten wie van hem beyden die edelste was | Ende die vlyeghe sprack totten wyerworm wel houeerdeliken aldus Coempt | aen wilstu dij ghelijcken teghens mi die daer wonende ben inder Coninghen | [5] houen des hertoghen ende der princen Ende eete ende drincke aen haren ta- | felen Ende kusse Coninghen hertoghen ende princen Coninghinnen hertoghin | nen princessen ende suuerlijcke maechden Ende du ongheuallighe biste altijt | wroetende inder aerden Ende die wyerworm dese vermetende woerden ho | rende seyde tot haer aldus. Nu bekenne ick wel wt dijne woerden dijne ydel | [10] glorie ende dwaesheyt Want ghij beroemt v van dat ghene daer ghij v billicx | af scamen en zwijghen soudet Want op alle plaetsen daer ghi coemt daer wor | det ghij veriaecht ende versteken Ende van dy ende van dynen leuen is zeer | weynich dincs of werck af te maken Want als die wijnter ghecomen sal sijn | soe moet ghij steruen ende dan soe bliue ick frysch ende vrolijcken in mijn hol- | [15] lekijn daer ick eete ende drincke tot mijnre ghenoechten Want die wijnter en | sal dy dijne misdaet niet vergheuen hij en sal v daer om doen doden ende ster- | uen Ende daer om die den anderen blameren ofte mysprijsen wil. die sal eerst | ende al voren hem seluen besien. wantmen ghemeenlike in ghemeenre cor- | ter spraken seyt aldus Die ghene die hem seluen wel spieghelt wel besiet wel | [20] besiende hem wel bekent. wel bekennende hem weynich prijst. weynich prij- | sende hy vroet is ende wijs | |
|