Dye hystorien ende fabulen van Esopus

[fol. B3v]

§ (38) Die achtiende fabule is vanden wolf vanden vos ende vander apynnen | die ons leeren Dat die ghene die eens valt bedryuende ende doende een oneer | lijck fayt die sal altoes in oneeren ende in quaet vermoeden vanden volcke bly | uen Ende hoe wel die selue bi eenich gheual voortsettede enighe dinck dat an | [5] dere menschen profijtelijcken ende goet waer hij en sal nochtans daer inne niet | gheloeft werden Waer af dat Ezopus vertelt eene aldusdanighe fabule |

HEt was een wolf die den vos voer der apynnen te recht verdaghen dede | Ende die wolf seyde in deser manieren. Dat die vos reynaerdt niet an- | ders dan een dief was en was een roouer ende een verslijnder der armer dyeren. | [10] Dit hoorende die vos antwoerdede dat behouwelijcke sijnre eeren hi daer aen | valscheliken loech ende dat hij waer een goet eerbaer man ende dede veel goets | Ende die apynne sittende te rechte gaf aldusdanighen sentencie ende sprack | totten wolf aldus Du en hebste niet verloren dat ghene dat ghi voer trecht ge | eysschet hebbet ende ghi reynaerdt mercket ende ouerlegghet wel dat ghi dic | [15] wijlen eenich dinck ghestolen ende gherouet hebt hoe wel dat ghijt inden rech | te al hier voer mi myssaect Ende daer omme om te hebben tusschen v beyden | eendrachticheyt ende vrede soe deylet met malcanderen op dat nyemant van | v beyden een gheheel deel en hebbe want die ghene die stelen ende roouen leert | ofte oeck van ghewoenten heeft die en can hem nauwelijcken daer af wachten | [20] want een bedriegher altijt te bedrieghen begheert Ende want die apynne als | rechter bekennede dat sij beyde quaet ende onrechtuaerdich waren soe dede si |

[fol. B4r]

hem haren twist deylen ter helft met malcanderen want die ghene die van ghe | woenten hebben te doen valscheyt ende bedroch Het is recht dat si altijt in on- | gheuallicheyden ende in een quaet vermoeden va nden¹⁷⁸menschen leuen sullen. |

178 va nden lees: vanden.