Dye hystorien ende fabulen van Esopus
(2013)–Gheraert Leeu–
Auteursrechtelijk beschermd
[Folio B2v]
| |
 HEt was een wagheman die eenen waghen met eenre muylen mennende | oft dryuende was. Ende want die muyle niet haestelijck noch lichtelijck | en ghinck soe quam tot haer een mugghe ende seyde aldus. Ha snoode ende | ongheuallighe muyle. waer om eest dat ghij niet lichtelijcker wanderende en sijt | [5] ick sal v soe vreeselijcken ende vtermaten zeer steken dat ghij wel haestelijcker | ende lichtelijcker wanderen sult Dit hoorende die muyle seyde ter stont totter | mugghen in deser manyeren God behoede die mane vanden woluen. want ic | van dy gheen groote vreese en hebbe Mer van mijnen regierre ende meester | die op mij sittende is die welcke mij trect ende dwingt te doen sine belieftenis- | [10] se ende wille Den welcken ick meer sculdich ben te vreesen ende te ontsien dan | dy die in deser werelt niet profijts en doeste Ende daer om soe en salmen niet ve | le wercs maken ofte vreese hebben al wortmen ghedreycht vanden ghenen die | ghene macht en hebben noch van gheenre autoriteyten ofte crachten en sijn | |
|