Dye hystorien ende fabulen van Esopus

§ (35) Die vijftiende fabule is van een Exter ende vanden paeu die | [15] ons leert Dat nyemant en sal hem vercleeden met die Clee- | deren van eenen anderen Waer af dat Ezopus vertelt eene | aldusdanighe fabule. |

[fol. B2r]

HEt was een Exter vol van ydelre glorien die daer nam die pluymen van | eenen paeu daer si haer mede in ydelheyt vercyerende was Ende als si al | dus vercyert was ouermits hare houerdye ende goetdunckelijcheyt woude si ver | keeren onder die paeuwen versmadende hare medeghesellen ende misprijsende | [5] Ende als die paeuwen bekenneden dat si van haere naturen niet en waer soe ont | pluckeden si den Exter alle haer pluymen in sulcker manyren dat haer een | pluyme aen tlijf niet en bleef ende liep doe al naect wech Ende als haer medeghe | sellen haer aldus naect lopende saghen soe seyden si haer Ha fijn gheselle waer | sijn ghebleuen dijn pluymen die ghi draghende waert het schijnt datse hebben | [10] moeten ruymen Scaemdy v niet te comen in onsen gheselscappe Ende mettien | soe sloeghen haer die Exteren ende seyden anderwerf tot haer aldus. Hadt dat | sake gheweest dat ghi v te vreden ghescicket haddet met die cleederen die v ey- | ghen waren Soe en soudt ghij in dese scande niet ghecomen hebben Ende daer | om soe blijct hier wt dattet niet goet en is aen te trecken die cleederen van eenen | [15] anderen. want die sulcke draecht scone cleederen gulden ryemen ende gulden ryn | ghen aen sine handen. die nochtans als hi in sinen eyghen huyse is lijdet groo | te coude aen sine tanden |