Dye hystorien ende fabulen van Esopus

§ (30) Die thiende fabule is vanden armen man ende vanden Serpente | Die ghene en sal niet versekert sijn die hem daer toe gheeft dat | [15] hi eenen anderen quaet doen oft bescadighen wil Waer af dat | Ezopus vertelt eene aldusdanighe fabule |

HEt was een Serpent dat inden huyse van enen armen ende scamelen man | gaende ende comende was Ende leefde van dat ghene dat vander tafelen viel | By welcken dinghen groote auentuere ende gheluck desen armen man toe quam | [20] alsoe dat hy wardt zeer rijck ende machtich Daerna een weynich tijts. Soe ghe | buerdet dat die arme mensche op dat Serpent zeer toornich wert ende sloecht | met eenen grooten zweerde. hem vtermaten zeere quetsende. waer omme dat | dat Serpent sijnre vaerden ghinck. Ende cortelijcken daer nae als dat Ser- |

[fol. A6r]

pent wech gheaen was soe quam weder om die man in groter armoeden. beken | nende dat hy ouermits die auentuere vanden serpente rijck gheworden was. | Ende het berouwede hem zeer dat hi dat serpent alsoe gheslaghen hadde Ende | veroetmoedichde hem teghens dat serpent. segghende aldus Ic bidde di dat | [5] tu my wiltste vergheuen die misdaet ende toorn die ic dy hebbe misdaen. Ende | dat serpent antwoerde hem Na dien dattet v berouwet ende leet is dat ghene | dat ghi teghens mij misdaen hebt. soe vergheue ict v Mer alsoe langhe als ick | sal leuen. soe sal mi van dijnre boesheyt ghedinckende sijn. want ghelijkerwijs | als ghi mij eens ghequetst hebt soe mocht ghi mi noch tot anderen toecomen- | [10] den tijden weder quetsen. want ic die quetsinghe noch gheuoelende ben Ende | daer om die eens boos ende quaet is. die vermoetmen altoes quaet ende boos te | wesen Ende hier om soe isset datmen altijt sal hebben een vermoeden vanden | ghenen daermen scade af ontfanghen heeft Ende men sal hem insuspexie heb | ben. sorghende dat hem dat selue weder ghebueren mocht |