Dye hystorien ende fabulen van Esopus

§ (28) Die achste fabule is vanden hasen ende vanden vorsschen | [15] en seyt ghemeenliken dat een mensche na der tijt hem heb- | ben ende wanderen sal. want eest dat sake dat ghij maect onder | scheyt vander tijt so doet ghij als die scriftuere wtwijsende is | Waer af dat Ezopus vertelt eene aldusdanighe fabule Ende | seyt in deser manyeren. Dat die ghene die eens anders quaet | [20] ende scade aensiende is heeft paciency van dat quaet ende weder | spoet dat hem seluen aen comen mach. |

[fol. A5r]

HEt ghebeurde eens op eenre tijt datter was een iagher die doer bosch ende | brame iaghende was so begonsten die hasen voer te vlyen ouermits vree- | se ende anxt die si hadden van gheuanghen te werden Ende alsoe si waren vlyende. soe | quamen si ten lesten in een maras oft poel dat vol vorsschen was. Ende ter stont | [5] daer na als die vorsschen hoorden dat die hasen voorvluchtich waren. soe be- | gonden si oeck mede te vlyen Ende een vanden hasen merckende dat die vor- | sschen oec waren veruaert ende begonsten te vlyen. seyde tot sinen medeghesellen | aldus Laet ons voort aen gheene vreese meer hebben want wij en sijns niet al | leen die verduchtende sijn want die vorsschen sijn soe wel veruaert als wij Ende | [10] daer om en laet ons niet wanhopende wesen ende houden goeden moet ende hope | om te leuen Ende eest by alsoe dat ons toe coemt eenighe wederspoet ofte ver- | driet. soe latet ons lijden verduldichliken Want die tijt sal comen dat wij wt al | te vreesen ende pinen verlost sullen sijn Ende daer om inder tijt des wederspoets | ofte onghelucx en salmen niet wanhopende wesen mer goeden moet ende hope | [15] hebben datmen in ghelucke ende voerspoede wat beters hebben sal Want nae | groot oorloghe soo coemt grote vrede Ende na den reghen. soe werdet claer weder |