Dye hystorien ende fabulen van Esopus

[15] § (26) Die seste fabule is vanden wolf ende van dat lam. die ons laet weten Dat die gheboerte en is niet alleen die sake waer om | datmen ghecrijghet ende verweruet vrienden mer oeck me | de die duecht ende goetheyt Waer af dat Ezopus vertelt eene | aldusdanighe fabule |

[fol. A4r]

HEt was een wolf die een lam sach onder die gheyten dat welcke lam van | eenre gheyten gheuoedet wert Ende die wolf sprac tot hem Dese ghey | te en is uwe moeder niet gaet ende soectse aen den berghen si sal v veel soete | lijcker voeden dan dese gheyte doet Ende dat lam antwoerde hem Dese ghey | [5] te voedet my in die stede van mijnre moeder want si gheuet my hare borsten | ende si ontrectse haer eyghen kinderen Ende dat meer is Het is my veel be- | ter dat ic hier bliue by deser gheyten dan van hier te scheyden ende also te val | len in uwer kelen om verslonden te werden want ic mercke dattet v meyninghe | is Ende daer om is hi wel dwaes die laet dat seker is ende hem seluen settet in | [10] sorghen ende vreesen des doots want het is veel beter in sekerheyt groffelijc | ken ende scamelijcken te leuen dan leckerlijck ende daer af grote sorghe ende | vreese ghecreghen. |