§ (25) Die vijfste fabule is vanden berch ende montaigne die daer | beuende was die ons laet weten Dat dicwijle ghebuert ende | geualt dat die ghene die die alder meeste dreyghers sijn. die | alder veruaerste sijn Waer af dat Ezopus vertelt eene aldus | [5] danighe fabule |
HEt was een hoghe ende groote berch die daer begonste te beuen ouer- | mits die mollen dien binnen wtholende ende daer omtrent loopende | waren Ende als die menschen saghen dat die aerde aldus begonste te heffen | zwellen ende te beuen. hadden te mael grote sorghe ende vreese ende en durf | [10] ten den voerghenoemden berghe niet te ghenaken Ende als si den berghe ghe | naket waren ende si bekenden dattet waren mollen So wert haer vreese verwan | delt in blijscappe Ende begonsten alle gader te lachen Ende daer om en sal | men niet vreesen die ghene die van vele woerden sijn ende van groter dreyghe | nissen Want by wijlen dreycht. die selue meest vreest |
Auteursrechtelijk beschermd